कानुनबमोजिम एनसेललाई कारबाही गर्नुपर्छ : राप्रपा नेपाल

• एनसेलको सेयर खरिद–बिक्रीबारे यथार्थ विवरण सार्वजनिक गर्न माग 
• श्रीनिवास आचार्यलगायत व्यक्तिहरूलाई तत्काल रिहा गर्न पनि माग

काठमाडौं ।।

राप्रपा नेपालले एनसेलको सेयर खरिद-बिक्रीबारे यथार्थ विवरण सार्वजनिक गर्न सरकारसँग माग गरेको छ । सो प्रकरणमा कानुनबमोजिमको प्रक्रिया अपनाएर कारबाही अगाडि पनि पार्टीले माग गरेको छ । बिहीबार विज्ञप्ति जारी गर्दै राप्रपा नेपालका प्रवक्ता वसन्तमान सिंह अधिकारीले दूरसञ्चार कानुनविपरीत हुने गरी एनसेलको सेयर खरिद-बिक्री भएको बारे पार्टीको गम्भीर ध्यानाकर्षण भएको जनाएका छन् ।

“यस सन्दर्भमा नेपालको कानुनबमोजिमको प्रक्रिया अपनाएर कारबाही अगाडि बढाउन र देशमा भित्रिने वैदेशिक लगानीलाई प्रोत्साहित गराउने एवं भ्रष्टाचारलाई दुरुत्साहन र नियन्त्रण गर्नका साथै उक्त एनसेल प्रकरणको बारेमा सत्यतथ्य के हो यथार्थ विवरण सार्वजनिक गर्न राप्रपा नेपाल सरकारसँग जोडदार माग गर्दछ,” विज्ञप्तिमा उल्लेख छ ।यस्तै, काठमाडौंमा गरिएको प्रदर्शनका क्रममा पक्राउ गरिएका श्रीनिवास आचार्यलगायत व्यक्तिहरूलाई तत्काल रिहा गर्न पनि माग गरिएको छ ।

• संसद विघटन