भीरबाट लडेर घाइते भएका अभिनेता प्रकाश घिमिरे काममा फर्किए
साझा परिवेश
सोमवार, मंसिर २५, २०८० १४:0८
अभिनेता प्रकाश घिमिरे काममा फर्किए
श्रृंखलादेखि नै घिमिरे यो चलचित्रमा काम गर्दै
चैत ९ गते नेपालसँगै विश्वभर एकसाथ प्रदर्शन हुने
काठमाडौं ।।
घाँस काट्ने क्रममा भीरबाट लडेर घाइते भएका अभिनेता प्रकाश घिमिरे काममा फर्किएका छन् । डेढ महिनापछि उनी काममा फर्किएका हुन् । बूढानिलकण्ठमा चलचित्र ‘महाजात्रा’ छायांकनको सेटमा घिमिरे आइतबार पुगेका थिए । ‘जात्रा’ श्रृंखलादेखि नै घिमिरे यो चलचित्रमा काम गर्दै आएका छन् । अभिनेत्री वर्षा राउतको बुवाको भूमिकामा उनी ‘जात्रा’ चलचित्रमा काम गर्दै आएका छन् ।
प्रदीप भट्टराईले निर्देशन गरिरहेको चलचित्रमा घिमिरेसँगै अभिनेता हरिवंश आचार्य, विपीन कार्की, रवीन्द्र झा, रवीन्द्र सिंह बानिया, वर्षा राउतलगायत कलाकारको अभिनय छ । जीवन समृद्ध तुल्याउने सपना र आपतकालीन रुपमा प्राप्त हुने अवसर व्यवस्थापन गर्दा आइपर्ने समस्याको कथा भन्ने चलचित्रमा म्याक्स दीपेश खत्री र यज्ञश्वर पौडेलले लगानी गरेका छन् । चलचित्र आगामी चैत ९ गते नेपालसँगै विश्वभर एकसाथ प्रदर्शन हुनेछ ।
