काठमाडौं ।।
१७औँ संसदीय दिवसका अवसरमा मंगलबार आयोजित मैत्रीपूर्ण फुटसल प्रतियोगितामा प्रतिनिधिसभाको टोली विजयी भएको छ । प्रतिनिधिसभा टोलीले राष्ट्रियसभाको टोलीलाई ४-० ले हराएको हो ।
प्रतिनिधिसभा टोलीको जितमा नेकपा (माओवादी केन्द्र)का सांसद माधव सापकोटाले दुई गोल गरे । नेपाली कांग्रेसका विश्वप्रकाश शर्मा र राष्ट्रिय स्वतन्त्र पार्टी (रास्वपा) का सांसद विराजभक्त श्रेष्ठले एक-एक गोल थपे ।
खेलको पहिलो हाफमा सापकोटाको गोलबाट टोलीले अग्रता बनाएको थियो । दोस्रो हाफमा प्रतिनिधिसभा टोलीले तीन गोल थप्यो ।