सूचना प्रविधि मन्त्रालयभित्रै वेबसाइट डाउन भएपछि….
साझा परिवेश
शुक्रबार, मंसिर २९, २०८० १0:१३
मन्त्रालय र सूचना विभागको वेबसाइट खुल्दै खुलेन
वेबसाइट नखुल्दा अनलाइनमार्फत हुने सबै काम रोकियो
सूचना प्रविधि क्षेत्रको सुरक्षामा नेपाल सरकारको लापरवाही
काठमाडौं ।।
सञ्चार तथा सूचना प्रविधि मन्त्रालय र सूचना विभागको वेबसाइट खुल्दै नखुल्ने भएको छ । वेबसाइट खोल्दा नेपाल सरकारको लोगो र ‘४०४ पृष्ठ फेला परेन’ लेखिएको देखिन्छ । वेबसाइट नखुल्दा अनलाइनमार्फत हुने सबै काम रोकिएको छ ।
वेबसाइट नखुल्नुको कारण खुलेको छैन । मन्त्रालयका प्रवक्ता र अन्य उच्च अधिकारीहरूले फोनसमेत रिसिभ गरेका छैनन् । नेपाल सरकारका वेबसाइटहरु डाउन हुने र ह्याक हुने समस्या नयाँ भने होइन । यसअघि पनि पटक–पटक यस्ता समस्या भइरहेका छन् । यसबाट सूचना प्रविधि क्षेत्रको सुरक्षामा नेपाल सरकार गम्भीर नभएको देखाउँछ ।
