July 19, 2024 | शुक्रबार, साउन ४, २०८१
सुचनाहरु
गृहमन्त्री लेखक र अमेरिकी राजदूतबीच भेटवार्ता एसिया कप महिला क्रिकेटमा नेपाल र युएई भिड्दै तोलामा २ हजार रुपैयाँ घट्यो सुनको मूल्य प्रधानमन्त्रीको प्रमुख राजनीतिक सल्लाहकारमा विष्णु रिमाल संसद भवन निर्माणको ढिलाइबारे सभामुखको असन्तुष्टि कनकाई सर्पदंश उपचार केन्द्रमा १७७ जनाले लिए सेवा झापामा २ जना फरार प्रतिवादी पक्राउ राष्ट्रिय सभा बैठक बस्दै, यस्तो छ कार्यसूची बङ्गलादेशमा आरक्षण विरुद्धको प्रदर्शन हिंसात्मक बन्दै, १९ जनाको मृत्यु डा.माबोको `डोलीभर्ना´ शुक्रबार लोकार्पण हुँदै गायक यशकुमारको हिरो सार्वजनिक ; दिपेन्द्र ,रोजेन र गरिमाको अभिनय मन्त्रीपरिषद बैठक बस्दै देशको अवस्था राम्रो र प्रशंसा गर्न लायक छैन : प्रधानमन्त्री ओली ‘आइसिसी डिजिटल फ्यान इन्गेजमेन्ट अवार्ड’ नेपालले पाएकोमा प्रधानमन्त्रीद्वारा बधाई ज्ञापन १५ गतेसम्म प्रतिनिधिसभाका ६ वटा बैठक सञ्चालन गर्ने निर्णय प्रधानमन्त्री ओलीले आइतबार विश्वासको मत लिने डेंगुको आशङ्का लागेमा निःशुल्क ‘हटलाइन टेलिफोन ११८०’ मा फोन गर्न काठमाडौँ महानगरको आग्रह चीनको डिपार्टमेन्टल स्टोरमा आगलागी, १६ जनाको मृत्यु एक वर्षमा रोजगारीका लागि सात लाखभन्दा बढी नेपाली बिदेश उडे एक वर्षमा २०१ भ्रष्टाचारका मुद्दा दर्ता, ५२४ कर्मचारी तानिए

बोर्डले चलचित्रको आम्दानी सार्वजनिक गरेकोमा दीपकराजको आपत्ति, केसीले बदनियत राखेको आरोप

  • साझा परिवेश
  • बुधबार, चैत्र २९, २०७९ ११:१९
बोर्डले चलचित्रको आम्दानी सार्वजनिक गरेकोमा दीपकराजको आपत्ति, केसीले बदनियत राखेको आरोप

काठमाडौं । निर्माता दीपकराज गिरीले चलचित्र विकास बोर्डले वर्षभरि प्रदर्शित चलचित्रहरूको आम्दानी सार्वजनिक गरेकोमा आपत्ति जनाएका छन् ।
बोर्डसँग यसरी चलचित्र निर्माताहरूको व्यक्तिगत आम्दानी मिडियामा वितरण गर्ने अधिकार नभएको उनको तर्क छ ।

विकास बोर्डले बक्स अफिसको तथ्यांकलाई आधार मान्दै हिजो २०७९ सालमा प्रदर्शित सबै चलचित्रहरूको ग्रस आम्दानीको सूची सार्वजनिक गरेको थियो ।
बोर्डको सो सूची सबै मिडियाहरूले प्रकाशित गरेका छन् । गिरीले फेसबुकमा स्टाटस लेख्दै बोर्डको सो कार्यप्रति विरोध जनाएका हुन् ।
उनले आफ्नो चलचित्र छक्कापञ्जा ४ ले व्यापार गरेको भनेको रकम पनि गलत भएको दाबी गरेका छन् ।

नेपाल प्रेससँग कुरा गर्दै गिरीले विकास बोर्डका अध्यक्ष भुवन केसीले खराब नियत राखेर यसरी चलचित्रहरूको आम्दानी सार्वजनिक गरेको बताए ।

उनले प्रश्न गरे, ‘विनोद चौधरीले एक वर्षमा कति चाउचाउ बेचे भन्ने पब्लिकलाई थाहा छ ? निजी व्यवसायबाट भएको आम्दानी यसरी सार्वजनिक गर्न बोर्डलाई कसले अधिकार दियो ?’

आम्दानी सार्वजनिक हुँदा तपाईंहरुलाई के अप्ठेरो पर्छ भन्ने प्रश्नमा उनले यसबाट जनतामा भ्रम फैलिने उल्लेख गरे ।

‘यति करोड उति करोड कमायो भनेर जुन सूची दिइएको छ, त्यो निर्माताको आम्दानी होइन । त्यो भनेको ग्रस कलेक्सन हो, जसको अलिकति हिस्सा मात्रै निर्माताको भागमा पर्छ ।
तर, मान्छेले त त्यो सबै हामीले कमाएको भनेर सोच्छन् नि होइन ? भोलि मेरो घरमा चोर पस्यो भने को जिम्मेवार ?’

मिडियाहरूले फलानो चलचित्रले यति व्यापार गर्‍यो उति कमायो भनेर लेख्नु नौलो कुरा नभए पनि बोर्डजस्तो नियामक निकायले यसो गर्न नमिल्ने गिरीले तर्क गरे ।

उनले फेरि विनोद चौधरीको उदाहरण दिँदै भने, ‘चौधरीको सम्पत्ति यति छ, कमाइ यति छ भनेर मिडियाले लेख्नु एउटा कुरा हो । तर, कर कार्यालय नै उनले यति कमाए भनेर त निकाल्दैन नि ?’

भुवन केसी चलचित्र विकास बोर्डमा आएदेखि नै यस क्षेत्रमा भाँडभैलो भइरहेको पनि गिरीले आफ्नो फेसबुक स्टाटसमा उल्लेख गरेका छन् ।
कस्तो भाँडभैलो भन्न खोज्नुभएको हो ? भन्ने प्रश्नमा उनले व्याख्या गर्न चाहेनन् ।

गिरीले जवाफ दिए, ‘तपाईँहरू आफैँले देखिरहनुभएको छ नि । म यसमा धेरै बोल्न चाहन्न ।’

विकासले सार्वजनिक गरेको सूचीमा छक्का पञ्चा ४ ले करिब १७ करोड ग्रस कलेन्सन गरेको उल्लेख थियो ।

२०७९ सालमा सर्वाधिक कमाई गर्ने कबड्डी ४पछिको यो दोस्रो चलचित्र हो ।

  • साझा परिवेश
  • बुधबार, चैत्र २९, २०७९ ११:१९

प्रतिक्रिया

तपाइको प्रतिक्रिया दिनुहोस्