सुनसरीको सदरमुकाम इनरुवामा श्री रामजानकी गुठी संस्थाले विवाहपञ्चमीको अवसरमा रथयात्रा निकालिएको छ । २०४७ सालमा स्थापना भएको गुठीले विवाहपञ्चमीको समयमा पहिले डोलायात्रा निकाल्दै आएको थियो । अहिले रथ निर्माण गरि केहिवर्षदेखी विवाहपञ्चमीको अवसरमा रथ यात्रा निकाल्दै आएको श्री रामजानकी गठी संस्थाले जानकारी दिएको छ ।
मार्गशीर्ष शुक्ल पञ्चमीका दिन सीता र रामको विवाह भएको सम्झनामा सीता रामको पूजा आराधना गरी रथयात्रालाई नगर परिक्रमा गर्दै आएको श्री रामजानकी गुठी संस्थाका सदस्य तथा इनरुवा नगरपालिका वडा नम्बर ४ को वडाध्यक्ष, बौवालाल मेहताले बताउनुभयो । बाजागाजासहित झा“की, नाचगान, मैथिलि परम्परालाई निरन्तरता दिदै“ मौलिक संस्कृतिको संरक्षण एवं संवद्र्धन गरी सभ्य र सुसंस्कृत समाज निर्माणको लागि विवाह पञ्चमीमा रथयात्रा निकाल्दै आएको सदस्य मेहताले बताउनु भयो ।
विवाहपञ्चमी रथयात्रा रामजानकीको प्राङ्गनदेखी महेन्द्रचोक, बबिया, सखुवागाछी, इनरुवा बजार हुँदै पुनः मन्दीरमा आएर समापन गरिएको थियो । गोस्वामी तुलसीदासको रामायणमा वर्णन गर्नुभएअनुसार जनकनन्दनी सीताको विवाह भएको दिनलाई सम्झेर मिथिलावासीले यस पर्वलाई विशेष महोत्सवको रुपमा विवाह पञ्चमी मनाउँदै आएको छ ।
