निर्वाचनमा उमेदवारको नाम सिफारिस गर्न माओवादीको निर्देशन
साझा परिवेश
शुक्रबार, पुस ६, २०८० १३:0६
उमेदवारको प्रस्तावित नाम पठाउन माहतका कमिटीलाई निर्देशन
नाम एक हप्ताभित्र केन्द्रीय कार्यालयमा आइ पुग्ने गरी पठाउन निर्देशन
१९ पदका निम्ति निर्वाचन हुन लाग्यो
काठमाडौं ।।
सत्तारूढ नेकपा (माओवादी केन्द्र)ले राष्ट्रिसभाका उमेदवारको प्रस्तावित नाम पठाउन माहतका कमिटीलाई निर्देशन दिएको छ । बिहीबारको पदाधिकारी बैठकपछि प्रदेश तहमा ‘सर्कुलर’ पठाइएको हो । प्रदेशहरू एवं जनवर्गीय संगठन-मोर्चाहरूले समूहअनुसार संस्थागत रूपमा प्राथमिकताका आधारमा बढीमा तीनजनासम्म प्रस्तावित उमेदवारको नाम पठाउन भनिएको छ । उमेदवारको नाम एक हप्ताभित्र केन्द्रीय कार्यालयमा आइ पुग्ने गरी पठाउन निर्देशन दिइएको छ ।आउँदो माघ ११ गते हुने निर्वाचनका निम्ति यही पुस २३ गते उमेदवारी दर्ता गरिने निर्वाचन आयोगले जनाएको छ । १९ पदका निम्ति निर्वाचन हुन लागेको हो ।
