जन्मकैदको सजाय पाएका फरार अभियुक्त ५ वर्षपछि पक्राउ
साझा परिवेश
बिहिबार, पुस १२, २०८० १0:५१
सिराहामा खुन डाँका पाँच वर्षपछि पक्राउ
५६ का मो. इब्राहिम मियालाई प्रहरीले पक्राउ गर्यो
अदालतको आदेशमा मियालाई कैद भुक्तानको लागि कारागार चलान गरियो
जनकपुरधाम ।।
सिराहामा खुन डाँका मुद्दामा जन्मकैदको सजाय पाएका फरार अभियुक्त पाँच वर्षपछि पक्राउ परेका छन् । फरार अभियुक्त सिराहाको कल्याणपुर नगरपालिका-१२ बेल्हा बस्ने वर्ष ५६ का मो. इब्राहिम मियालाई प्रहरीले पक्राउ गरेको हो । खुन डाँका मुद्दामा मियालाई उच्च अदालत जनकपुर राजविराजले १८ पुस २०७५ मा २० वर्ष (जन्मकैद)को सजाय फैसला सुनाएको थियो ।
फरार रहेका मियालाई गोप्य सूचनाको आधारमा मंगलबार सिराहा नगरपालिका ७ अस्पताल स्थितबाट पक्राउ गरेर बुधबार जिल्ला अदालतमा पेश गरेको थियो । अदालतको आदेशमा मियालाई कैद भुक्तानको लागि कारागार चलान गरिएको जिल्ला प्रहरी कार्यालय सिराहाले जनाएको छ ।
