सञ्चार माध्यमप्रति आक्रोश पोख्नु गलत भयो : रवि लामिछाने
साझा परिवेश
मङ्लबार, माघ ९, २०८० १0:२३
काठमाडौं । राष्ट्रिय स्वतन्त्र पार्टीका सभापति रवि लामिछानेले सञ्चारमाध्यमप्रति आफूले आक्रोश पोख्नु गलत भएको स्वीकारेका छन् ।
सहकारीको रकम अपचलन गरेको आरोप लागेपछि आज (सोमबार) पत्रकार सम्मेलन गर्दै राष्ट्रिय स्वतन्त्र पार्टीका सभापति लामिछानेले विगतमा आक्रोसमा आएर सञ्चारमाध्यमहरु र व्यक्तिप्रति आफूले गरेको आक्रमण गलत भएको स्वीकारेका हुन् ।
उनले आफूले व्यक्तिगत आलोचना गरेको भन्दै क्षमासमेत मागेका छन् । नेपाली सञ्चारमाध्यमको योगदान अतुलनीय रहेकाले त्यसलाई कायम राख्नुपर्ने उनको भनाइ छ ।
लामिछानेले गोर्खा मिडिया नेटवर्कमार्फत ग्यालेक्सी टेलिभिजनबाट सेयरबापत एक करोड ८० लाख रुपैयाँ लिएको विषयमा आफ्नो खातामा पैसा नै नआएको जिकिर गरेका छन् ।
