पूर्वमन्त्री तथा प्रतिनिधिसभा सांसद नेम्वाङ अचानक विरामी भएपछि ताप्लेजुङबाट काठमाण्डौ लगिदै
साझा परिवेश
बुधबार, माघ १७, २०८० १४:५२
गणेश कुमार श्रेष्ठ
ताप्लेजुङ : पूर्व मन्त्री तथा नेकपा एमालेका सांसद माननीय बसन्तकुमार नेम्बाङ ताप्लेजुङमा अचानक विरामी पर्नु भएकोले हेलिकप्टरबाट तत्कालै थप उपचारको लागि काठमाण्डौं लगिने भएको छ ।
नेकपा एमाले ताप्लेजुङ इन्चार्ज समेत रहनुभएका नेम्बाङ एमाले ताप्लेजुङको सचिवालय बैठकमा सहभागिता जनाउन कोशी प्रदेश कमिटि अध्यक्ष तथा पुर्व सांसद घनश्याम खतिवडा सहित ताप्लेजुङ आउनु भएको थियो । खाना खाने क्रममा पाथिभरा गेष्टहाउस पुग्नु भएका नेम्बाङ घाम तापेर बसिरहको अवस्थामा अचानक प्रेसले हानेर ढल्नु भएको र उहाँलाई जिल्ला अस्पताल ताप्लेजुङमा उपचारको लगिएको एमाले जिल्ला उपाध्यक्ष सन्तोस खतिवडाले जानकारी दिनुभयो । थप उपचारको लागि काठमाण्डौ रिफर गरिएको जनाएको छ ।
प्रतिकुल मौसमको कारण पाँचथरको पौवाभञ्ज्याङ सिलौटेमा रहेको हेलिकप्टर आउन सम्भव नभए पछि काठमाण्डौंबाट २ जना चिकित्सकको टोली सहित श्री एयरलाईन्सको हेलिकप्टर उडिसकेको समेत उपाध्यक्ष खतिवडाले जानकारी गराउनु भयो
