तीन दलमा मुख्य मन्त्रालयबारे सहमति, मन्त्रीको नाम चयन हुँदै

काठमाडौं । जसपाबाहेक एमाले, माओवादी र रास्वपाबीच मन्त्रालयको भागबन्डामा सहमति भएको छ । दलको भागमा परेका केही मन्त्रालयहरूमा मन्त्री पठाउने तयारीमा तीन दल जुटेका छन् । बालुवाटारमा बिहान बसेको बैठकमा मोटामोटी मुख्य मन्त्रालयहरूको भागबन्डामा कुरा मिलेको हो ।

नेताहरुका अनुसार नेकपा माओवादी केन्द्रले प्रधानमन्त्री सहित ६ वटा मन्त्रालय पाउने भएको छ । नेकपा एमालेले ७ वटा मन्त्रालय, राष्ट्रिय स्वतन्त्र पार्टीलाई गृह सहित ४ मन्त्रालय लिने सहमति भएको छ । जनता समाजवादी पार्टीललाई २ वटा मन्त्रालय र नेकपा एकीकृत समाजवादी सरकारमा आउन चाहे उसलाई २ मन्त्रालय दिने गठबन्धनमा सहमति भएको छ । तर यो भागबन्डा अन्तिम भने नभएको बताइएको छ ।

एमाले उपाध्यक्ष विष्णु पौडेलका अनुसार महासेठ उपप्रधानमन्त्री तथा भौतिक पूर्वाधारमन्त्री बन्नेछन् । त्यस्तै माओवादी केन्द्रबाट नारायणकाजी श्रेष्ठ परराष्ट्रमन्त्री र वर्षमान पुन अर्थमन्त्री बन्नेछन् । राष्ट्रिय स्वतन्त्र पार्टीका सभापति रवि लामिछानेले गृह मन्त्रालय पाउनेछ । मन्त्रिपरिषदमा नेकपा एमालेको नेतृत्व सचिव रघुवीर महासेठले गर्ने भएका छन् । उनी उपप्रधानमन्त्री तथा भौतिक पूर्वाधारमन्त्री बन्ने एमाले उपाध्यक्ष विष्णु पौडेलले जानकारी दिए ।

पौडेलका अनुसार माओवादी केन्द्रबाट नारायणकाजी श्रेष्ठ परराष्ट्रमन्त्री र वर्षमान पुन अर्थमन्त्री बन्ने भएका छन् । राष्ट्रिय स्वतन्त्र पार्टीका सभापति रवि लामिछानेले गृह मन्त्रालय पाउने टुंगो लागेको छ । यसैबीच राष्ट्रिय स्वतन्त्र पार्टीले सरकारमा सहभागी हुने चार जनाको नाम टुंगो लगाएको छ ।

रास्वपाले गृह मन्त्रालयमा सभापति रवि लामिछाने, श्रममा उपसभापति डीपी अर्याल, युवा तथा खेलकुदमा विराजभक्त श्रेष्ठ र शिक्षामा सुमना श्रेष्ठलाई पठाउने निर्णय गरेको हो । पार्टी उपसभापति डा. स्वर्णिम वाग्लेका अनुसार रास्वपाले पाउने चार मन्त्रालय र पार्टीबाट पठाउने व्यक्तिको चयन भएको हो ।

• संसद विघटन