बिर्तामोड । झापाको मेचीनगरस्थित काँकरभिट्टा नाका भएर २३ देशका नागरिकले आवतजावत गरेका छन् । काँकरभिट्टा नाका भएर २३ देशका नागरिकले आवतजावत गरेको अध्यागमन कार्यालय काँकरभिट्टाले जनाएको छ ।
गत जेठ १ गतेदेखि चैत्र ७ गतेसम्मको तथ्याङ्क अनुसार काँकरभिट्टा नाका भएर ८ हजार १५२ जना मानिस नेपाल आएको र ७ हजार ४७१ जना मानिस बाहिरिएका छन् । कार्यालयका सूचना अधिकारी इन्द्र राजवंशीका अनुसार सो नाका भएर सबैभन्दा धेरै नेपाली नागरिक तेस्रो मुलुकबाट नेपाल भित्रिएका छन् । सो अवधिमा ४ हजार ३६७ जना नेपालीहरु नेपाल आएका हुन् । विशेषगरी नेपाली विद्यार्थीहरु अध्ययनका लागि यो नाका भएर बंगलादेश जाने गरेका छन् ।
त्यस्तै सो अवधिमा सबैभन्दा धेरै ३ हजार ८४० जना भुटानका नागरिकहरु बाहिरिएको कार्यालयकी कर्मचारी रञ्जु दाहालले जानकारी दिइन् ।
भारतले आधिकारिक जानकारी नगराएपनि पानीट्याङ्की नाका भएर भुटानी नागरिक बाहेक अन्य तेस्रो मुलुकका नागरिकलाई प्रवेश गर्न नदिएको अध्यागमन कार्यालय स्रोतले जनायो । अफिसियल कागजात भएका र भारतीय कार्ड होल्डर विदेशी नागरिक भने पानीट्याङ्की नाका भएर सहजरुपमा भारत प्रवेश गरिरहेको स्रोतको भनाइ छ
