मधेशमा हेलिकोप्टरमा जन्ती जाने विकृति रोक्न सांसद झाको माग
साझा परिवेश
बुधबार, चैत्र २१, २०८० १२:४१
काठमाडौं । राष्ट्रिय स्वतन्त्र पार्टीका सांसद मनिष झाले मधेश प्रदेशमा जन्ती हेलिकोप्टरमा जाने विकृति रोक्न सरकारसँग माग गरेका छन् ।
बुधबार बसेको प्रतिनिधि सभा बैठकमा बोल्दै सांसद झाले हेलिकोप्टरको प्रयोगले गर्दा मधेशमा सामाजिक विकृति निम्तिएको भन्दै त्यस्ता खालका गतिविधिमा नियन्ण गर्न सरकारसँग माग गरेका हुन् ।
मधेसमा जन्ती हेलिकोप्टरमा जाने विकृति बढेको भन्दै त्यसलाई रोक्न सम्बन्धित निकायसँग माग गरे । “मधेसमा जन्ती बेहुलीकहाँ हेलिकोप्टरमा जाने विकृति बढ्दै छ । त्यसले तीनवटा कुरामा जोखिम बढाएको छ । यसको आर्थिक भार बेहुलीको माइतीतर्फ पर्ने, बस्तीको छाना जोखिमपूर्ण हुने, होलिकोप्टर ल्यान्ड गर्दा व्यवस्थित हेलिप्याड नहुँदा जोखिमपूर्ण हुन्छ,” उनले भने, “त्यसैले सबै साझेदारको ध्यानाकर्षण गराउन चाहन्छु । यो विकृतिलाई रोक्न आवश्यक पहलकदमी होस् ।”
