नयाँ कृषि सहकारीका आरोपीहरुविरुद्ध मुद्दा नचल्ने निर्णय
साझा परिवेश
बुधबार, बैशाख ५, २०८१ १५:११
काठमाडौँ । काठमाडौँस्थित नयाँ कृषि सहकारीको रकम हिनामिना प्रकरणको मुद्दा नचल्ने निर्णय गरिएको छ ।
प्रहरीको केन्द्रीय अनुसन्धान व्यूरो (सीआईबी) को रायअनुसार जिल्ला सरकारी वकिलको कार्यालय काठमाडौंले मुद्दा नचलाउने निर्णय गरेको हो ।
उक्त निर्णयसँगै उक्त सहकारीको रकम हिनामिना प्रकरणमा पक्राउ परेको ३ जना रिहा भएका छन् । उक्त सहकारी प्रकरणमा उपाध्यक्ष लिलाबहादुर गुरुङ, कोषाध्यक्ष रामहरि अधिकारी र नविन अछामी पक्राउ परेका थिए । उक्त सहकारीको अध्यक्ष जीबी राई हुन् । उनी अहिले सहकारी ठगी प्रकरणमा फरार छन् ।
नयाँ कृषिको सञ्चालक समितिका सदस्य दुर्गा चापागाईं बुटवलमा थुनामा छन् । सुप्रिम सहकारी ठगी प्रकरणमा थुनामा रहेका उनलाई सीआईबीले काठमाडौँमा झिकाएर बयान लिएको थियो । सहकारी विभागले गत असोजमा सो सहकारीबारे अनुसन्धान गर्न सीआईबीलाई पत्राचार गरेको थियो ।
कृषि सहकारी खरिद गरेर एकलौटी बनाएका जीबी (गितेन्द्रबाबु) राई अहिले फरार छन् ।
