तिन मन्त्री फेरिए पनि चार किलोमिटर बाटो बन्न सकेन : गोकुल बास्कोटा
साझा परिवेश
बिहिबार, भदौ ६, २०८१ १२:0७
काठमाडौँ । पूर्व मन्त्री तथा एमाले नेता गोकुल बास्कोटाले भौतिक पूर्वाधार तथा यातायात मन्त्रालयमा तीन जना मन्त्री फेरिए पनि धुलिखेलको ४ किलोमिटर बाटो बन्न नसकेको भन्दै आक्रोश पोखेका छन् ।
बिहीबार बिहान सामाजिक सञ्जालमा पोस्ट गर्दै बाँस्कोटाले भनेका छन्, ‘जनताले सोधिरहे, धुलिखेल–खावा बाटो कहिले बन्छ ? मैले भनिरहे– यो साल । भौतिक मन्त्रालयले तीन मन्त्री, डीजी फटायो तर चार किलो बाटो बनाएन ।’
उनले नेता र मन्त्रीहरूलाई भूपी शेरचनको ‘घुम्ने मेचमाथि अन्धो मान्छे’को कथासँग तुलना गर्दै भनेका छन्, ‘गत साता मन्त्री भेटेँ सचिव देखाए, सचिव भेटेँ डीजी देखाए । हिजो डीजीलाई सोधे ठेक्दारलाई था होला भने । यो देश बन्छ ? जसरी भूपीले लेखेथे–घुम्ने मेचमाथि अन्धो मान्छे ।’
