माओवादी केन्द्र भद्रपुरमा हंशधर राजवंशीको नेतृत्वमा नयाँ कार्य समिति चयन
साझा परिवेश
सोमवार, भदौ १०, २०८१ ११:१५
भद्रपुर । माओवादी केन्द्र भद्रपुर नगर कमिटीको विशेष अधिवेशनबाट नयाँ नेतृत्व चयन भएको छ ।
हंशधर राजवंशीको नेतृत्वमा ४९ सदस्यीय नयाँ कार्य समिति चयन भएको हो ।
शनिबार र आइतबार चलेको अधिवेशनमा आठ पदाधिकारीमध्ये छ वटा पद सर्वसम्मत भएको थियो भने अध्यक्ष र खुला सहसचिव पदमा निर्वाचन प्रणालीबाट चयन गरिएको छ ।
आइतबार राति सम्पन्न निर्वाचनबाट सहसचिवमा तेजप्रसाद पौडेल विजयी भएका छन् ।
सर्वसम्मत नेतृत्व चयन हुन नसकेपछि अध्यक्षमा हंशधर र राजु दाहाल तथा सहसचिवमा तेजप्रसाद र पुष्पलाल राजवंशीले उम्मेदवारी दिएका थिए ।
निर्वाचनमा कूल मतदाता १९७ मध्ये १३१ मत खसेको निर्वाचन अधिकृत तारामणि सापकोटाले जानकारी दिए । जसमध्ये अध्यक्षमा १ मत र सहसचिवमा ९ बदर भएको थियो ।
विशेष अधिवेशनबाट उपाध्यक्षमा बिष्णु पौडेल र उर्मिला सापकोटा सर्वसम्मत भएका छन् भने सचिवमा जीवन बाँस्तोला चयन भएको निर्वाचन समितिले जनाएको छ । त्यस्तै, सहसचिव महिलातर्फ सबिता पुरी र कोषाध्यक्ष पदमा बुद्धिमान लिम्बू सर्वसम्मत चयन भएका छन् ।
