काठमाडौं टावरको नक्सा पासको विषयमाथिको विवाद चरम उत्कर्षमा पुगेपछि काठमाडौं महानगरले भवन नै भत्काउने तयारी गरेको छ। काठमाडौं टावरको नक्सा पास बिषयमा सरकारकै मिलेमतो गरेकाले सत्य बाहिर ल्याउन महानगरले भवननै भत्काउने तयारी गरेको छ । काठमाडौं महानगरका मेयर बालेन शाहका प्रमुख स्वकीय सचिव भूपदेव शाह भन्छन् ’सरकारले प्रमुख प्रशासकीय अधिकृत नपठाएर महानगरमा नाकाबन्दी लगाएको छ। यसले गर्दा महानगरको काम नै ठप्प भएको छ। काठमाडौं टावरको नक्सा पासको विषयलाई लिएर सरकारले यो अवस्था सिर्जना गर्नु भनेको यसमा सरकारको पनि मिलेमतो छ भन्ने हाम्रो निष्कर्ष हो। यसमा कस्को कस्को संलग्नता छ त्यो बाहिर ल्याउन हामीले भत्काउने तयारी गरिरहेका छौँ।’ काठमाडौ टावरको यो विवाद महिनौदेखी चलीरहेको छ। मेयर बालेनले कानुनविपरीत काठमाडौँ टावरको नक्सा पास गरेको भन्दै प्रमुख प्रशासकीय अधिकृत सरोज गुरागाईंले कानुनविपरीत काठमाडौँ टावरको नक्सा पास गर्दा महानगरले उनलाई कारबाही गरेको छ । त्यसपछी सरकारले अर्को कार्यकारी अधीकृत पठाएको छैन जस्का कारण महानगरका हजारौं कर्मचारीले ३ महिनादेखी तलब समेत पाएका छैनन् ।
