सधैं कार्यक्रममा फोहोर गरे बापत जरिवाना तिर्ने राष्ट्रिय प्रजातन्त्र पार्टी (राप्रपा) ले आज अलीकती पनि फेहोर बाँकी नराखि कार्यक्रम भएको स्थल सफा गरेको छ । राप्रपाले बल्खुमा आफ्नो कार्यक्रम सकेसँगै फोहोर संकलनको काम पनि गरेको छ ।
महानगरले जरिवाना गर्नसक्ने अवस्थालाई मध्यनजर गदैै राप्रपाका नेता, कार्यकर्ताहरू आफैं जुटेर फोहोर संकलन गर्न थालेका हुन् । कार्यक्रम चलिरहँदा पनि उद्घोषकले पानीका बोतल तथा फोहोरहरू व्यवस्थित गर्न आग्रह गरेका थिए ।
काठमाडौं महानगरपालिकाका मेयर बालेन शाहप्रति लक्षित गर्दै उद्घोषकले भनेका थिए, ‘एकजना पत्र काट्न तयार भएर बसेको छ । त्यो पत्र आउँछ । पानीको बोतल तपाईंले बोक्नुभएको भए पनि तपाईंको नाम थाहा नभएर राप्रपामा पत्र आउँछ ।’ केहीबेरमा सम्बोधन गरेका अध्यक्ष लिङ्देनले मेयर बालेनको नाम लिँदै आफैं सफा गर्ने बताएका थिए । उनले भनेका थिए ‘बालेनजीलाई धेरै हिरो भएर पत्र नकाट्न म आग्रह गर्छु,’,‘हाम्रा साथीहरूलाई आफैं सफा गरेर जान आग्रह गर्छु ।’ नभन्दै उनहरुले सफा पनि गरे । उता बालेनले पनि सफा गरेकोमा राप्रपालाई धन्यवाद दिएका छन् । स्टाटस नै लेख्दै बालेनले राप्रपलाई सफा गरेकोमा धन्यवाल दिएका हुन् ।
