काम गर्न नसक्ने प्रधानमन्त्रीले सयपटक कान समातेर उठबस गर्नुपर्छ: बामदेव गौतम
साझा परिवेश
मङ्लबार, बैशाख १०, २०८२ २0:0२
राष्ट्रिय सभा सदस्य वामदेव गौतमले मुलुकको समृद्धिका लागि अबको प्रधानमन्त्रीले काम नगरेमा सार्वजनिक रूपमा कान समातेर सयपटक उठबस गर्ने वाचा गर्नुपर्ने बताएका छन्।
यतिबेला बामदेबको यो भनाइ निकै चर्चा पाइरहेको छ ।पछिल्लो समय सक्रिय राजनितिमा खासै नदेखिने वामदेव कुनै समय नेपालको राजनितिक वृत्तमा निकै चर्चित थिए।
मंगलबार राष्ट्रिय सभाअन्तर्गत विकास, आर्थिक मामिला तथा सुशासन समितिको बैठकमा बोल्दै गौतमले नेपालको सम्पूर्ण जमिन राष्ट्रियकरण गर्नुपर्ने आवश्यकतामा समेत जोड दिएका छन् ।
“पहिले देशको सम्पूर्ण भूमि राज्यको नाममा ल्याउनुपर्छ, त्यसपछि मात्रै योजनावद्ध विकास सम्भव छ,” उनले भने।
गौतमका अनुसार छलफल मात्र गरेर मुलुकका आधारभूत समस्याको समाधान सम्भव छैन। अबको प्रधानमन्त्री बन्ने व्यक्तिले जिम्मेवारी लिनु पर्ने, गर्न नसके आम जनतासँग माफी माग्दै सार्वजनिक उठबस गर्नुपर्ने उनको भनाइ रहेको छ ।
