झापा ।। झापा क्षेत्र न १ मा प्रतिनिधिसभा सदस्यका लागि शीर्ष नेताहरुबीच कडा प्रतिष्पर्धा हुँदै छ । यश क्षेत्रमा ‘हेभीवेट’ उम्मेदवार चुनावी मैदानमा उत्रिएका । दुई चर्चित अनुहार सत्ता गठबन्धनबाट नेपाली कांग्रेसका महामन्त्री विश्वप्रकाश शर्मा र नेकपा एमालेका स्थायी कमिटी सदस्य तथा पूर्व मन्त्री अग्नी खरेल बीच रोचक प्रतिस्पर्धा हुने छ । कांग्रेस उम्मेदवार शर्मालाई माओवादी केन्द्रको समर्थन छ भने एमालेका उम्मेदवार खरेललाई राप्रपाले समर्थन गरेको छ ।
कांग्रेसमा नेपाल विद्यार्थी संघको अध्यक्ष हुँदै पार्टीको राजनीतिमा आएका महामन्त्री शर्मा कांग्रेसमा प्रवक्ताको जिम्मेवारी निभाइसकेका नेता हुन् । पार्टीभित्र लोकप्रिय छवि बनाएका महामन्त्री शर्मा उनले गत मंसिरमा भएको महाधिवेशनमा महामन्त्री बनेका हुन । जनता माझमा परिचित ब्यक्ति शर्मा झापा १ मा तेस्रो पटक चुनावी मैदानमा छन । तर संसदीय राजनीतिमा भने उनले प्रवेश नै पाएका छैनन् ।
०६४ र ०७० मा समानुपातिकबाट संविधानसभा सदस्य र कानुनमन्त्रीसमेत बनिसकेका खरेल पूर्व महान्यायधिवक्ता समेत हुन् । पार्टी अध्यक्ष केपी शर्मा ओलीका विश्वास पात्रकाे रुपमा मानिन्छन् ।
स्थानीय तहको परिणाम हेर्दा झापा–१ मा एमालेको मत गठबन्धन भन्दा बढि देखिन्छ । यसै कारण अग्नी पक्षले जित महशुस गरेकाे छ । ७० मा एमालेकै रविन कोइराला र ०७४ मा बामगठबन्धनबाट नेकपा माओवादी केन्द्रका राम कार्कीसँग पराजित भएका कांग्रेस उम्मेदवार शर्मा पनि यसपटक गठबन्धनबाट चुनाव जित्ने सम्भावना बढन थालेको छ । मतदानको घरदैलोमा पुग्दा शर्मा ले बाेल्ने भाषा र खरेलकाे भाषा प्रति मतदाले मुल्यांकन गर्न थालेका छन । क्षेत्र न १ का अधिकाष काेणसभामा खरेलले शर्मा प्रति नकारात्मक टिप्पणी गर्दै आएका छन । जनता माझमा भिजन का सट्टा प्रतिपक्षीकाे आलोचना मा बढी समय खर्चिदै आएका छन । आफुलाइ चिनाउँन घरदैलोमा हिडदै गरेका खरेलले मतदाता सँग केपी ओलीकाे अनुहार हेरेर भाेट हाल्न आग्रह गर्छन् । यता शर्मा शिष्ट स्वभाव का रुपमा मतदाताकाे मन जितिरहेका छन । जनता माझमा नम्र रुपमा प्रस्तु हुने नेता आफुहरुलाइ चाहिएको धुलाबारी एक मतदाता बताउँछन । ०७४ मा बामगठबन्धनका कार्कीले ३६ हजार १७३ मत ल्याएर चुनाव जित्दा शर्माले ३३ हजार ३१० मत पाएका थिए ।
आफ्नो दबदबा कायमै राख्न अठोट राखेको एमालेलाई याे पटक गणितीय हिसावमा बढि देखिएपनि मत कम खस्ने आकलन गरिएको छ । यद्यपी नतिजा कस्तो आउँछ भन्ने चै मंसिर ४ गते पर्खनै पर्छ ।
