फुङलिङ नगरपालिकामा जेष्ठ नागरिकको नाममा ५ लाखको अक्षय कोष स्थापना गरिने

ताप्लेजुङ । फुङलिङ नगरपालिकाले २०८० सालदेखि फुङलिङ नगरपालिकाका १०० वर्ष नाघेका जेष्ठ नागरिकको नाममा ५ लाखको अक्षयकोष स्थापना गर्ने घोषणा गरेको छ ।
हरेक वर्ष अक्टोवर १ तारिख अन्तर्राष्ट्रिय जेष्ठ नागरिकहरुलाई सम्मान र अधिकारमा पहुँच पु¥याउने उदेश्यका साथ संयुक्त राष्ट्रसंघको आह्वानमा विश्वभर अन्तर्राष्ट्रिय जेष्ठ नागरिक दिवस मनाउने गरिन्छ । फुङलिङ नगरपालिकाले यस वर्ष असोज १५ गते पर्ने जेष्ठ नागरिक दिवस चुनावको कारण स्थगित गरिएको र आज मंसिर १५ गते ताप्लेजुङको सामुदायिक भवनमा जेष्ठ नागरिक सम्मान तथा स्वास्थ्य परिक्षण कार्यक्रम गरिएको फुङलिङ नगरिपालिकाका उपमेयर भिमादेवि ओझाले वताउनु भयो ।
उक्त कार्यक्रममा बोल्दै मेयर अमिर मादेनले जेष्ठ नागरिक भनेको ज्ञान र अनुभवको खानी भएको बताउनु भयो । उहाँले सबै जेष्ठ नागरिकहरुलाई १०० वर्ष भन्दा वढी उमेरसम्म बाँच्न र १०० वर्ष कटेपछि प्रत्येक जेष्ठ नागरिकको नाममा कार्यविधि बनाएर ५ लाखको अक्षयकोष स्थापना गरिने घोषणा गर्नु भयो । जेष्ठ नागरिकहरुलाई घरेलु हिंसामा परेको भए नगरपालिकामा उजुरी गर्न अनुरोध गर्दै मेयर मादेनले भन्नु भयो– यदि त्यसो भएको भए नगरपालिकाले बृद्धाश्रममा राखेर हेरचाह गर्ने छ ।
नेपालको संविधान २०७२ मा जेष्ठ नागरिकलाई राजयबाट विशेष संरक्षण तथा सामाजिक सुरक्षाको हक हुने छ भनी उल्लेख गरिएको छ ।

• संसद विघटन