काठमाडौं ।। अपराध अनुसन्धानमा निक्कै अव्वल रुपमा चिनिएको प्रहरी प्रमुखले झापाको प्रमुखको जिम्मेवारी समालेको एक महिना भएको छ ।
झापा तेस्रो पटक पुगेका प्रमुखले झापा पुगेर आत्महत्या नियन्त्रणमा आफनो पहिलो भूमिका रहने बताए । तर झापा तस्करीको गण हो भन्ने पनि जुनसुकै प्रहरीलाइ जानकारी भएकै बिषय हो ।
झापाको पूर्वी नाका काँकरभिट्टा,भद्रपुर,राजगढ लगायत अन्य धेरै क्षेत्रबाट हरेक दिन जसो लाखौ वराबरको अवैध धन्दा चल्दै आएको छ । तर नियन्त्रणमा खटिएका प्रहरी भने नाकामा २० केजी सुपारी बरामत गरेको भन्दै सस्तो लोकप्रियता कमाउँन भ्याइ नभ्याइ छ ।
जिल्ला प्रहरी कार्यालय झापाबाट हरेक दिन जसो हुने गरेको प्रगति बिबरण संचारकर्मीलाइ प्राप्त हुन्छ । पछिल्लो समय अधिकार्ष इमेलहरु १०,२० किलो सुपारी,२०,३० हजारको लत्ताकपडा बरामत भन्दै आउँने गरेको छ ।
यसमा दुइ वटा कुरा बुझन सकिन्छ । कि नाका क्षेत्रमा तस्करी धन्दा बन्द भएको हो ? कि मिलेमतोमा धेरै कटाएर थोरै समातेर देखाउँने काम हुदैत छैन ?
नेपालबाट भारत लैजाँदै गरिएको २० किलो सुपारी मंगलवार बिहान प्रहरीले बरामद गरेको खवर प्राप्त भयो । प्रहरी चौकी सतीघट्टाबाट खटिएको प्रहरी टोलीले मेचीनगर नगरपालिका–७ गैरीगाउँबाट उक्त परिमाणको सुपारी बरामद गरेको हो ।
उक्त सुपारी मेची भन्सार कार्यालय काँकडभिट्टामा बुझाइएको छ । सीमावर्ती अवैध कारोवार नियन्त्रणमा प्रहरीको सक्रियता बढेपनि साना र खुद्रेलाई समात्ने र ठूलालाई छोडिदिने गरेको आरोप प्रहरीलाई लाग्दै आएको छ ।
