सरकारमा जाने कांग्रेसको निर्णय, प्रधानमन्त्री प्रचण्डलाई विश्वासको मत दिने
साझा परिवेश
आइतवार, चैत्र ५, २०७९ १३:३६
काठमाडौँ । नेपाली कांग्रेस सरकारमा जाने भएको छ । आइतबार बसेको कांग्रेस केन्द्रीय कार्यसम्पादन समितिको बैठकले प्रधानमन्त्री पुष्पकमल दाहाल प्रचण्ड नेतृत्वको सरकारमा सहभागी हुने निर्णय गरेको हो ।
बैठकले प्रधानमन्त्री प्रचण्डलाई विश्वासको मत दिने र सरकारमा समेत जाने निर्णय गरेको हो । पार्टीबाट मन्त्री छान्नका लागि एउटा मापदण्ड तय गर्ने समेत निर्णय बैठकले गरेको छ ।
बैठकमा पार्टी सभापति शेरबहादुर देउवा, उपसभापति पूर्णबहादुर खड्का, महामन्त्री गगनकुमार थपा, नेताहरु डा। शशांक कोईराला, रमेश लेखक, जीवन परियार, डा। नारायण खड्का लगायतका नेताहरुको उपस्थिति थियो ।
प्रधानमन्त्री प्रचण्डले सोमबार ९भोलि० विश्वासको मत लिँदै छन् । सत्ता सञ्चालनका लागि कांग्रेस, माओवादी केन्द्र, नेकपा एकीकृत समाजवादी र जनता समाजवादी पार्टीहरुबीच लेनदेन तथा आलोपालो प्रधानमन्त्री बन्ने लगायत विषयमा समझदारी गरिएको थियो । सो अनुसार अहिले सत्तारुढ पक्षमा १० दलीय गठबन्धन कायम छ ।
सरकारमा जाने निर्णय नगर्दासम्म कांग्रेस संसदको प्रतिपक्षी बेन्चमा थियो । अब सत्ता पक्ष भएपछि संसदको दोस्रो ठूलो दल नेकपा एमाले प्रमुख प्रतिपक्षी भएको छ ।
