March 29, 2024 | शुक्रबार, चैत्र १६, २०८०
सुचनाहरु
नेकपा एमाले झापाको ११ अधिवेशनबाट प्रेम वहादुर गिरी अध्यक्ष सहित पाँच जना निर्विरोध राष्ट्रिय सभाको बैठक बस्दै डाक्टर प्रतिभा मृत भेटिइन् बर्षाले रद्द भएको नेपाल ए र आयरल्यान्ड ए टोलीबीचको मैत्रीपूर्ण टी–२० क्रिकेट शृङ्खला आजदेखि आजको मौसम : देशका विभिन्न स्थानमा वर्षा , कहिलेबाट सुधार आउला मौसममा ? कानेपोखरीमा बसको ठक्करबाट एक महिलाको मृत्यु सरकारले तोक्यो चैते धानको न्यूनतम समर्थन मूल्य अपराध अनुसन्धानको जनशक्ति बाहेक अन्य प्रहरी सादा पोसाकमा खटिन नपाउने, गृहमन्त्री रविले लगाए घुमुवामा रोक अन्तत इलाम २ मा रास्वपाले मिलन लिम्बुलाई उम्मेदवार घोषणा गरेको छ बागमती सरकारमा हानेपाका बज्राचार्य संस्कृति मन्त्री बन्दै एमडिएमएसमा ९१ करोड भ्रष्टाचारको दाबी, भ्रष्टाचार मुद्दा दायर मन्त्री र मुख्यमन्त्रीलाई प्रधानमन्त्रीको प्रश्न ‘पुँजीगत शीर्षकमा विनियोजन भएको बजेट किन खर्च हुँदैन?’ नेपाली राष्ट्रिय क्रिकेट टिमको बिदाई कर्णाली पुलबाट हामफालेर बेपत्ता भएका युवकको शव भेटियो सेयर बजारमा ४ अंकको वृद्धि नेपाली क्रिकेटमा नयाँ इतिहास रच्न आतुर छाैँ : प्रशिक्षक देसाई राष्ट्रियसभा उपाध्यक्ष अर्यालले दिइन् पदबाट राजीनामा दोहोरो कर प्रणालीे समस्याको सम्वोधन गर्न अर्थमन्त्री पुनको प्रतिवद्धता अवैध विदेशी मुद्रासहित तीनजना विमानस्थलबाट पक्राउ राप्रपाबाट इलाम-२ मा लक्ष्मी गुरूङ उम्मेदवार

शरणार्थी प्रकरणको जाहेरी दिने बुढाथोकीविरुद्ध नै ठगी मुद्दा

  • साझा परिवेश
  • बुधबार, जेष्ठ २४, २०८० ११:५0
शरणार्थी प्रकरणको जाहेरी दिने बुढाथोकीविरुद्ध नै ठगी मुद्दा

काठमाडौं।।

  • नक्कली शरणार्थी प्रकरणबारे
  • जाहेरी दिने गजेन्द्र बुढाथोकीविरुद्ध दाङका ठगी मुद्दा
  • ९ करोड ७८ लाख रुपैयाँ
  • विभिन्न व्यक्तिबाट १५ देखि ३० लाख उठाएको
  • ६० जनाको पैसा फसेको
  • जिल्ला अदालत दाङमा ठगी मुद्दा चलिरहेको

नक्कली शरणार्थी प्रकरणबारे प्रहरीमा पहिलो जाहेरी दिने गजेन्द्र बुढाथोकीविरुद्ध दाङका ठगी मुद्दा चलिरहेको खुलासा भएको छ । आफूले जम्मा गरेको ९ करोड ७८ लाख रुपैयाँ लिएर काम नगरेको भन्दै प्रहरीलाई ठगीको उजुरी दिएका उनीमाथि जिल्ला अदालत दाङमा एक करोड ४९ लाख रुपैयाँ बिगो माग दाबीसहित ठगी मुद्दा चलेको हो ।

मंगलबार जिल्ला अदालतमा चलिरहेको बहसका क्रममा जाहेरीकर्ताहरुको तर्फबाट बहस गर्दै अधिवक्ता दिपकराज रेग्मीले उजुरी दिएका पीडितविरुद्ध नै जिल्ला अदालतमा ठगी मुद्दा चलेको बताए।‘दाङका रामकुमार रेग्मीले अमेरिका जान पाउने भएपछि रकम दिए, उनको कुरा सुनेपछि विश्वासमा परेका परिवारका सबै सदस्यले रकम बुझाए, अनि आफन्तले समेत गजेन्द्र बुढाथोकीलाई पैसा बुझाए,’ उनले भने, ‘यहाँ ठगीको बारेमा सुरुमा जाहेरी दिने दाङका गजेन्द्र बुढाथोकी हुन्, उनैविरुद्ध गत फागुनमा जिल्ला अदालत दाङमा ठगी मुद्दा चलिरहेको छ । त्यो मिसिल झिकाइ पाँऊ ।’

जाहेरीमा दाङकै राजु केसी लगायतले आफू लगायतलाई अमेरिका पठाइदिन्छु भनी पटकपटक रकम लिएको विवरण खुलाएका छन् । उनीहरुले विभिन्न व्यक्तिबाट १५ देखि ३० लाख उठाएको र पछि अमेरिका नपठाएपछि खोजतलास गर्दा गजेन्द्र सम्पर्कबिहीन भएको दाबी गरेका छन् । जाहेरीमा भनिएको छ, ‘अमेरिका पठाइदिन्छु भनी हामीबाट नगद पैसा लिइ झुक्याइ धोका दिइ बेइमानी गरी ठगी गर्ने बुढाथोकीलाई हदैसम्मको कारवाही गरी उल्लेखित रुपैयाँ दिलाइ भराइ पाउँ ।’‘गृह मन्त्रालयका सचिव हौं भने, १५ लाख बुझेर गए’

रकम बुझाएकामध्ये एक राजन अधिकारीका अनुसार, दाङ घर भएका बुढाथोकी १८-२० वर्षदेखि अमेरिकामा थिए । उनको घरमा ज्योती विकास बैंक भाडामा रहेको छ ।बैंकले समेत गजेन्द्रसँग सम्पर्क नभएकाले उनकी श्रीमतीको खातामा भाडा पठाउने गरेको खुलेको भन्दै जाहेरीमा सात जनाबाट लिएको रकम फिर्ता गर्न माग छ । उनीहरुले एक करोड ४९ लाख रुपैयाँ फिर्ता हुनुपर्ने माग गरेका थिए ।मुद्दाको अनुसन्धानका क्रममा प्रहरीले बुढाथोकीलाई भेट्न सकेन ।

अनि फरार देखिएको भन्दै ३० फागुन २०७९ मा जिल्ला अदालत, दाङमा ठगी मुद्दा चलायो ।बुढाथोकी अदालतमा पेस भएका छैनन, अदालतले भने प्रमाण बुझ्ने आदेशमात्रै गरेको छ, मुद्दा अघि बढेको छैन ।नक्कली शरणार्थी प्रकरणवारे बुढाथोकीले १८ जेठ २०७९ मा जिल्ला प्रहरी परिसर, काठमाडौंमा ४८ पेजको कागजातसहित जाहेरी दिएको देखिन्छ ।जिल्ला अदालत, काठमाडौंमा पेस भएको अभियोगपत्रमा उनले आफू र चिनजानका ६१ जनाबाट सन्देश शर्माले ९ लाख ७८ हजार रुपैयाँ उठाएको उल्लेख गरेका छन् ।

उनले जाहेरीमा भनेका छन्, ‘सन्देश शर्माले श्रम, गृह मन्त्रालय र सरकारका विभिन्न निकायहरुबाट भुटानी शरणार्थीहरुको सम्बन्धमा भएको निर्णय र सोसँग सम्बन्धित समाचारको फोटो पठाउने काम गरी म लगायतबाट रकम लिइ अमेरिका नपठाइ रकम फिर्ता नगरी ठगी गरेको हुँदा कारबाही गरी पाऊँ ।’ शर्माका साथै केशवप्रसाद दुलाल, सानु भण्डारीलगायतले ‘हामीले उच्च अधिकारीहरुलाई चिनेका छौं, प्रधानमन्त्रीसँग समेत कुरा गरिरहेकोले यस्तो अफर आइरहँदैन, मौकाको फाइदा लिनुहोस’ भनी आफूहरुलाई विश्वास गराएको दाबीसमेत गरेका छन् ।

जिल्ला प्रहरी कार्यालय दाङमा गजेन्द्र बुढाथोकीविरुद्ध ७ जनाले जाहेरी दिएपछि उनले प्रहरीले दिएको जाहेरीमा भने आफूलगायत ६० जनाको पैसा फसेको उल्लेख गरेका छन् ।

उनको दाबीमा आफूबाट मात्रै आरोपितहरुले ९ करोड ७८ हजार रुपैयाँ लिएका थिए ।

 

  • साझा परिवेश
  • बुधबार, जेष्ठ २४, २०८० ११:५0

प्रतिक्रिया

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

नेपाल अपडेट