तस्करहरुसँग साँठगाठमा कमाउ धन्दा चलाउँने विवादित प्रहरी बिनोद फेरि आए काँकरभिट्टा

काठमाडौं । लामो समय काँकरभिट्टा प्रहरीमा घुमुवा बसेर तस्कर हरुसँग रकम उठाइ कमाउ धन्दा गर्ने प्रहरी बिनोद मण्डल पुनः काँकरभिट्टा काज आएका छन ।
प्रहरी सहायक हवल्दार विनोद मण्डल हाकिमको इसारामा सुचना संकलन गर्ने भन्दै तस्कर हरुसँग रकम उठाइ कमाउ धन्दा चलाउँने प्रहरीका रुपमा बिगतमा समेत विवादमा आएका थिए ।
सादा पोशाकका प्रहरीको सहयोगमा तस्करले भन्सार छलीको सामानहरु भित्र्याउन कुनै बेला यीनै मण्डल र तत्कालिन काँकडभिट्टामा कार्यरत प्रहरी नायव निरीक्षक (सई) राजेन्द्र पासवान लागेको समाचार वाहिर आएको थियो । मासिक रुपमा रकम उठाउने गरेको र रकम नदिए सामान ओसार्ने व्यपारीलाई विभिन्न बाहानामा दुख दिने गरेको मेचीडाँडाका एक व्यापारीले को प्रमाण सहित हामीले समाचार प्रकाशन गरेका थियौं ।

पासावन र मण्डलले सामान समात्ने नाममा महिला तथा युवतीमाथि दुर्व्यावार समेत गर्ने गरेका थिए । यति मात्रै होइन व्यापारीसँग महङ्गा सामान ल्याइदिन भन्दै डिमाण्ड गर्ने, सामान नल्याइदिए बाटो छेकेर समात्ने गरेको गुनासो समेत थियो । त्यस लगात्यै दुबै जना सरुवा भएका थिए ।

विगतमा तस्करहरुसँग साँठगाठ भएको आरोप विभिन्न सञ्चार माध्यममा समाचार आएपनि तत्कालिन डिएसपि राजेन्द्र पोखरेल र सुनिल दहालले खासै वास्ता गरेनन् । पैसा नदिने पोके व्यापारीहरु र रातको समयमा सुपाडी कटाउने तस्करहरुसँग पटक पटक उनको झगडा र महिलाहरुमाथि हातपात गरेको भिडियो नै सार्वजनिक पनि भएको थियो । तर, हाकिमका वफादार भएको कारण उनलाई उन्मुक्ति दिने गरिएको थियो । व्यापारीसँग पैसा उठाउनकै लागि नाकामा प्रहरीलाई सिविलमा हिनाउने र सिविलमा हिड्ने प्रहरीले ज्यादति गर्ने गरेको सिमाका स्थानिय जो केहीले पनि बताउछन् । तर, हाकिमकै लागि पैसा उठाउने भएपछि उनिहरुले जहिल्यै पनि उन्मुक्ति पाइरहेको तितो यर्थाथ छ ।

इलाका प्रहरी कार्यालय काँकरभिट्टामा प्रहरी नायब उपरिक्षक गोविन्द कार्की हुँदा सहायक हवल्दार विनोद मण्डलको आचरण ठिक नभएको भन्दै चेतावनी समेत दिइएको थियो । पछि डिएसपि राजेन्द्र पोखरेलको पालामा उनलाई घुमुवा को नाइके नै बनाएर हिनाइएको थियो । कहिले प्रहरी नायब निरिक्षक राजेन्द्र पासवान त कहिले प्रहरी सहायक हवल्दार विनोद मण्डलले काँकरभिट्टा घुमुवाको कमाण्ड सम्हाले । यो दौरानमा डिएसपि सुनिल दाहाल आए पनि घुमुवाको र काँकरभिट्टा प्रहरीको अवैध असुलीको जिम्मेवारी यि नै मण्डललाई प्राप्त भइरह्यो ।
इलाका प्रहरी कार्यालय अनारमनीमा दरबन्दी रहेका प्रहरी सहायक हवल्दार विनोद मण्डल पटक पटक काँकरभिट्टा आइरहेका छन् । काँकरभिट्टामा अवैध असुली गरिरहेको आशंकामा उनलाई २०७८ चैतमा जिल्ला प्रहरी कार्यालयको आदेशमा जिल्ला मै तानिएको थियो । जिल्ला प्रहरी कार्यालयबाट पुनः उनलाई इलाका प्रहरी कार्यालय गौरीगञ्ज पठाइएको थियो । काँकरभिट्टामा पुनः मा ल्याइएको छ । स्रोतका अनुसार उनलाई शुरुमा क्युआरटी बाईकमा बजार गस्तीमा हिडाइने र पछि घुमुवामा खडाइने प्रपञ्च भइरहेको छ । हाकिमको वफादार पात्रको रुपमा प्रहरी सहायक हवल्दार विनोद मण्डललाई काँकरभिट्टा ल्याइएको बुझिएको छ।

• संसद विघटन