अस्पतालमा बन्धक बनेकी महिला मेयर यादवको सहयोगमा फर्किन घर

जनकपुरधाम । जनकपुरधामस्थित रहेको न्यूरो हस्पिटलमा बन्धक बनाईकी धनुषाकी मन्तोरिया देवी बुधबार घर फर्केकी हुन् ।

मोटरसाइकलको ठक्करबाट गम्भीर घाइते भएकी धनुषाको सबैला गाउँपालिका वडा नं. ९ कि मन्तोरिया राय दुई महिनासम्म अस्पतालको शय्यामा नयाँ जिन्दगीका लागि संघर्ष गरिरहँदा सबैला नगरपालिकाका मेयर कारिराम यादवले उनलाई उन्मुक्ति दिलाएका छन् ।

करिब डेढ महिनादेखि अस्पतालकै बेडमा बस्नुपर्ने बाध्यता अर्थात बन्धक बनाइएकी मन्तोरियाको उपचार खर्चवापतको ६ लाख ६९ हजार ३०० र फर्मेसीमा औषधिको २ लाख ५ हजार ७८२ तिर्न बाँकी रहेको थियो । सो रकम नतिरी उनी घर जान पाएकी थिइनन। अस्पतालमै छ तीन बालबच्चा र वृद्ध ससुराको बसाइ । कसले बिल तिरिदिने र कसरी घर जाने कुनै टुंगो नहुँदा मेयर कारिराम यादवले उनलाई घर फर्काएकी हुन् ।

मन्तोरियाको परिवारले जसोतसो ऋण काढेर र समाजबाट चन्दा उठाएर पाएको झण्डै १० लाख रुपैयाँ अस्पताललाई तिरेको थियो । तर अब कसैले सहयोग गरेमाबाहेक अरु कुनै उपाय छैन । मन्तोरियाले हात जोड्दै आफूलाई घर जाने वातावरण बनाइदिन गुहार मागेकी थिइन् ।

सँचारमाध्यमहरुमा समाचार प्रकाशित भएपछि मन्तोरियाको मदतको लागि सहयोगी हातहरु समेत अगाडी आएको थियो । सोही क्रममा सबैलाका मेयर यादवले उनलाई अस्पतालको बन्धकबाट घर फर्काएका हुन् ।

सम्पत्तिको नाममा केवल दुईधुर घडेरीमा छाप्रो छ उनको । अस्पतालमा मन्तोरियासँगै छन् ८ वर्षीया छोरी वर्षा, ५ वर्षीय छोरा महेश्वर, ३ वर्षीय उमेश र ७१ वर्षीय ससुरा रामप्रसाद राउत । रामप्रसादले जसोतसो बुहारीको हेरचाह गरेका छन्, तीन नाति नातिना सम्हाल्दै आएको थियो ।

मन्तोरियाका पति रामबहादुर राय वैदेशिक रोजगारमा कतारमा छन् । गत कात्तिकमा रामबहादुर कतार गएपछि घर सम्हाल्दै आएकी थिइन् मन्तारियाले । तर, दुर्घटनामा परेदेखि उनको परिवार नराम्ररी बिथोलिएको छ । पति रामबहादुरको पनि कमाइ छैन । उनी गएको कम्पनी बन्द भएर घर फर्किने अवस्था आएको मन्तोरियाले सुनाएपछि उनको सहयोगको लागि मेयर यादवले पहल थालेका थिए ।

अस्पताल र फार्मेसीको करिब ९ लाख रुपैयाँ कसरी तिर्ने र कसरी बालबच्चा पाल्ने भन्ने चिन्ताको सागरमा डुबेकी मन्तोरियालाई सबैलाका मेयरले नैया पार लगाईदिएको हो ।

• संसद विघटन