काठमाडौं । राजनीतिक विश्लेषक एवं नेपालमा मधेश आन्दोलनको विषयमा विद्यावारिधि गरेका डा.विजय मिश्रले उपेन्द्र यादव खतराको जोनमा रहेको बताएका छन् ।
बैशाख १० गते हुने उपनिर्वाचनमा बारा निर्वाचन क्षेत्र नं. २ का उम्मेद्वार रहेका उपेन्द्र यादवलाई चुनाव जित्न निकै चुनौतीपूर्ण रहेको विश्लेषक डा.मिश्रले बताएका हुन् ।
एउटा सञ्चारमाध्यममा अन्तर्वार्ताको क्रममा डा.मिश्रले भनेका छन्, ‘उपेन्द्र यादवलाई लागेको होला कि बारा २ बाट जित्छु, तर धेरै निकै चुनौती रहेको छ ।’
उपेन्द्र यादवका लागि सबभन्दा बढी सुरक्षित ठाउँ बारा २ नै भए पनि त्यहाँ हराउन सकियो भने सदाका लागि राजनीतिक सन्यास लिने ठाउँमा पु¥याउन सकिने सोच जनमत पार्टीका अध्यक्ष डा.सीके राउतसहित अन्तर्राष्ट्रिय शक्तिहरुले पनि बोकेको डा.मिश्रको दाबी छ ।
सप्तरी २ मा डा.सीके राउतसँग धेरै मतले उपेन्द्र हार्नुको मुख्य कारण यादववाद रहेको उनको जिकिर छ । आफ्नो स्वार्थमा मात्र केन्द्रित भएकोले उपेन्द्र हारेको उनको दाबी छ ।
