मची राजमार्गका अवैध संरचना फुङलिङ नगरपालिकाले भत्काउन थाल्यो
साझा परिवेश
मङ्लबार, बैशाख ५, २०८० १९:३४
ताप्लेजुङ । मेची राजमार्गको फुङलिङ नगरपालिका बजार क्षेत्रभित्र बनेको अबैध संरचना भत्काउन थालेको छ । फुङलिङ नगरपालिकाले पटक पटक अबैध संरचना हटाउन सुचना जारी गर्दा समेत अटेर गरेपछि मंगलबार देखि नगरपालिकाले आफै भत्काउन थालेको छ ।
सडक ऐन अनुसार सडकको क्षेत्राधिकार १५–१५ मिटर दायाँ बायाँ र सेडव्याक ६–६ मिटर गरी जम्मा ४२ मिटर भए पनि फुङलिङ नगरपालिकाले पटक पटक सराकारवालाहरुसँग छलफल गरी हाललाई ६–६ मिटर दायाँ बायाँ र १.५–१.५ मिटर सेढव्याक गरी जम्मा १५ मिटर कायम गरी संरचना हटाउने सहमती गरेको थियो । सो अनुसार संरचना हटाउने अन्तिम म्याद बैशाख २ गते सकिदा समेत संरचना हटाउन अटेर गरे पछि नगरपालिकाको डोजर प्रयोग गरी भत्काउन शुरु गरिएको मेयर अमिर मादेन बताउछन् ।
गत पुष २४ गतेदेखि ३५ दिन, १५ दिन, ७ दिन र अन्तिम पटिक फेरी ७ दिन भित्र सडक सीमा क्षेत्रभित्रका संरचना आफै हटाई सहयोग गरिदिन फुङलिङ नगरपालिकाले रेखाङ्कन सहित सुचना जारी गरेको थियो ।
