कीर्तिमान राख्दै प्रकाश सपूतको ‘सकम्बरी’ सात दिनमै करोड क्लबमा
साझा परिवेश
बिहिबार, बैशाख ७, २०८० १६:४0
काठमाडौं । गायक प्रकाश सपुतको चर्चित र विवादित गीत सकम्बरी करोड क्लवमा प्रवेश गरेको छ । युट्यूबमा रिलिज भएको सातौं दिनमै गीतले एक करोड भ्यूज बटुलेको हो ।
सर्वाधिक छिटो करोड भ्यूजको कीर्तिमान सपुतकै नाममा थियो । यसअघि उनको गीत ‘पीर’ ले पनि सात दिनमा करोड भ्यूज कटाएकोमा ‘सकम्बरी’ ले त्यसको बराबरी गरेको हो ।
‘पीर’ गीतको भिडीओ विवादमा आएपछि सपुतले त्यसलाई युट्युटबाट हटाएर सम्पादनसहित अर्को भिडीओ हालेका थिए । अर्को भिडियोमा भने करोड भ्यूज पुग्न सकेको छैन ।
सकम्बरी गीत युट्यूबमा रिलिज गरेको २४ घन्टाभित्रै नेपालको ट्रेन्डिङ नम्बर १ मा उक्लेको थियो । यो गीत अहिले पनि १ नम्बरबाट खस्केको छैन । टिकटकमा सकम्बरीको एकछत्र राज छ । सामाजिक सञ्जालमा भने गीतको पक्ष र विपक्षमा बहसहरु भइरहेका छन् ।
