भुटानी शरणार्थी प्रकरणमा टोपबहादुर रायमाझी र उनका छोरा विरुद्ध पक्राउ पुर्जी जारि

काठमाडौं ।  तत्कालीन ऊर्जामन्त्री टोपबहादुर रायमाझी र उनका छोरा सन्दीप रायमाझीविरुद्ध पक्राउ पुर्जी जारी भएको छ ।  नेपालीलाई नक्कली भुटानी शरणार्थी  बनाएर अमेरिका लैजाने प्रकरणको अनुसन्धानका क्रममा काठमाडौं प्रहरी परिसरले उनीहरूविरुद्ध जिल्ला अदालतबाट पक्राउ पुर्जी लिएको हो ।

आजै पक्राउ परेका उपराष्ट्रपति कार्यालयका सचिव टेकनारायण पाण्डेको प्रारम्भिक बयानका आधारमा रायमाझीका बाबुछोराविरुद्ध पक्राउ पुर्जी जारी भएको हो । पाण्डेलाई टेकुस्थित प्रहरी परिसरमा राखिएको छ । टेकनारायण  पाण्डे तत्कालीन गृहसचिव समेत हुन् ।

पाण्डेले २०७८ साउन २७ देखि २०७९ असोज २ सम्म गृह सचिवको जिम्मेवारी सम्हालेका थिए ।गिरोहका नाइकेहरू भनिने  केशव दुलाल, सानु भण्डारी, सागर थुलुङ राई, टंक गुरुङ, अशोक पोखरेल र सन्देश शर्मा पोखरेल पक्राउ परेपछि तिनले दिएको बयानका आधारमा तत्कालीन गृहमन्त्री रामबहादुर थापाका सुरक्षा सल्लाहकार  इन्द्रजित राईलाई सौखेलस्थित निवासबाटै पक्राउ गरिएको थियो ।

नक्कली भुटानी शरणार्थी बनाएर अमेरिका पठाउने र करोडौं रुपैयाँ असुल गर्दै आएको गिरोहका मुख्य योजनाकारका रुपमा राईलाई प्रक्राउ गरिएको हो । राई पक्राउ परेपछि सचिव पाण्डे घर छाडेर बाहिर बस्ने गरेका थिए ।

• संसद विघटन