बजेटबारे बाबुरामको टिप्पणी- क्रमभङ्गको माग भइरहेछ, पुरानै बाटो हिँडेर नयाँ ठाउँमा पुगिन्न
साझा परिवेश
मङ्लबार, जेष्ठ १६, २०८० १२:१६
काठमाडौं । नेपाल समाजवादीका पार्टीका अध्यक्ष डा. बाबुराम भट्टराईले नयाँ बजेटमा केही प्रशासनिक र नीतिगत सुधारका कुरा भए पनि मूल दिशा विगतकै निरन्तरतामा भएको टिप्पणी गरेका छन्।
सरकारको सोमबार प्रस्तुत गरेको बजेटले नयाँ केही दिन नसक्ने उनको भनाइ छ।
‘अझै चिन्ताजनक कुरा चाहिँ हाम्रो बजेटको दुइतिहाई हिस्सा साधारण खर्चमा जान्छ भने बाँकी एक तिहाइ मध्ये पनि पूँजीगत खर्च (रु.३खर्ब२अर्ब) भन्दा वित्तीय व्यवस्थापन भनिने ऋणको सावाँ व्याज भुक्तानी (रु.३खर्ब ७अर्ब) बढी हुन थालेछ’, उनले भनेका छन्।
कमजोर अर्थतन्त्रले ऋण पासोमा पनि पर्दै गइरहेको बताए।
उनले भने, ‘ठुलो संरचनात्मक परिवर्तन र क्रमभङ्गको माग गरिरहेछ भन्ने प्रस्टै छैन र ? पुरानै बाटो हिँडेर नयाँ ठाउँमा पुगिन्न भन्ने कहिले बुझ्ने होला।’
