काठमाडौं । विगत केही दिनदेखि वर्षा र वर्षा गराउने मौसमी गतिविधि कम सक्रिय हुँदा देशका अधिकांश स्थानहरूमा तापक्रम उल्लेख्य रूपमा वृद्धि भएको छ । तापक्रमसँगै गर्मी पनि बढेको छ । नेपालमा वैशाखदेखि साउनसम्म अरू महिनाको तुलनामा बढी गर्मी हुने जल तथा मौसम विज्ञान विभागले जनाएको छ ।
विश्व स्वास्थ्य संगठन (डब्ल्यूएचओ)का अनुसार गर्मीका कारण विभिन्न स्वास्थ्य समस्या हुनसक्छ । बढी तापक्रमका कारण थकाइ लाग्ने, कमजोरी हुने, बढी तिर्खा लाग्ने, टाउको दुख्ने, खुट्टा बाउँडिने, बेहोस हुनेलगायत समस्या हुन सक्ने डब्ल्यूएचओले जनाएको छ ।
गर्मीका कारण हुन सक्ने असरबाट जोगिन विभिन्न सतर्कता अपनाउन सकिन्छ । बढी गर्मीको समयमा घरभित्र अर्थात् चिसो स्थानमा रहने, नियमित (पटक–पटक) पानी तथा झोलपदार्थ (जुस, सर्वत आदि) पिउने, चिसो पानीले नुहाउने र स्वास्थ्य समस्या भएमा स्वास्थ्यकर्मीको सल्लाह-सुझाव लिनुपर्ने डब्ल्यूएचओले जनाएको छ ।
पक्रम ४० डिग्री सेल्सियस पुगिसकेको छ । जनकपुर, सिमरा, भैरहवालगायत क्षेत्रमा ४० डिग्रीसम्म तापक्रम पुगिसकेको मौसम पूर्वानुमान महाशाखाका मौसमविद् गोविन्द झाले बताए । उनका अनुसार अझै केही दिन तापक्रम बढ्ने देखिन्छ ।
जनकपुर, सिमरा र भैरहवामा ४१, काठमाडौंको तापक्रम ३२ डिग्री सेल्सियससम्म पुग्ने “जनकपुर, सिमरा र भैरहवालगायत क्षेत्रमा ४० डिग्रीसम्म तापक्रम पुगिसकेको छ । आज (शुक्रबार) ४१ डिग्रीसम्म पुग्ने सम्भावना रहेको छ,” उनले भने, “तापक्रम निरन्तर बढ्ने क्रममा रहेको छ । अझै केही दिन तापक्रम बढ्ने देखिन्छ ।
कम्तीमा तीन दिन तापक्रम बढ्ने क्रममा रहेको छ ।” काठमाडौंमा आज दिउँसो तापक्रम बढेर ३२ डिग्री सेल्सियससम्म पुग्न सक्ने महाशाखाको पूर्वानुमान छ । देशका अधिकांश स्थानमा अझै कम्तीमा तीन दिन वर्षाको सम्भावना नरहेको मौसमविद् झाले बताए ।
