सिमकोट । पछिल्लो समय प्रकोपका रूपमा देखिएको लम्पी स्मिन रोगबाट हिमाली जिल्ला हुम्लामा हालसम्म ९७० पशु मरेको पाइएको छ।
भेटनरी अस्पताल तथा पशुसेवा कार्यालयका प्रमुख कृष्ण रोकायाले हालसम्म ९ हजार ९८८ पशुमा यो रोग देखिएकोमा ९७० पशुवस्तु मरेको जानकारी दिए।
उनका अनुसार जिल्लाका सातवटै गाउँपालिकाका पशुमा यो रोग लागेको छ।
मर्ने पशुमा गाई-गोरु, घोडा, जुमा, झोपा, गधा र खच्चड रहेका छन्।
कार्यालयले उपलब्ध गराएको विवरणअनुसार नाम्खा गाउँपालिकामा ११३, सिमकोट गाउँपालिकामा १६९, खार्पुनाथ गाउँपालिकामा २००, सर्केगार्डमा ४२७, चङ्खेली गाउँपालिकामा ३२, अदानचचुुली गाउँपालिकामा १४ र ताँजाकोट गाउँपालिकामा १५ पशु मरेका छन्।
लम्पी स्किन रोग लागेका पशुहरूको उपचार भने सबै गाउँपालिकामा गरिएको थियो।
सिमकोट र नाम्खा गाउँपालिकाका पशुहरूको भ्याक्सिनेसन भइरहेको छ भने अन्य पाँचवटा गाउँपालिकाले भ्याक्सिन खरिद नगरेको कारण पशुलाई भ्याक्सिन लगाउने कार्य हालसम्म हुन सकेको छैन।
