April 4, 2025 | शुक्रबार, चैत्र २२, २०८१
सुचनाहरु
वायु प्रदुषणले बिगार्दैछ आँखा, यसरी बचाउनुहोस् आँखालाई मोरङमा कुकुरको टोकाइबाट ६० एक वृद्धको गयो ज्यान  कुलमानको रिटमा सर्वोच्चले दिएन अन्तरिम आदेश  काठमाडौ महानगरका कर्मचारीले प्रमुख प्रशासकीय अधिकृत सरोज गुरागाईँलाई कार्यकक्षमा पुर्याएरै छाडे  नाच्दै गाउँदै शिक्षकहरुले गरे बेग्लै बिरोध प्रर्दशन सगरमाथा आधार शिविरमा काम गर्ने श्रमिकको गयो ज्यान   प्रधानमन्त्री ओलीले र भारतीय समकक्षी मोदीलाई थाइल्याण्डमा भेट्दै खानेतेलको मूल्य प्रतिलिटर १५ देखि ४० रुपैयाँसम्म बढ्यो   २५ करोडका मालिकको पहिचान   जडिबुटिमा राजावादी प्रदर्शनकारीको आगजनीले २८ करोडभन्दा बढीको क्षति शिक्षकहरु फेरी उत्रिए राजधानी केन्द्रित आन्दोलनमा तिनकुने प्रदर्शनमा ज्यान गुमाउने सुरेश र सबिनको परीवारलाई  सरकारले १०–१० लाख दिने शिक्षक महासङ्घले आजदेखि काठमाडौं केन्द्रित सडक आन्दोलन गर्दै असार ७ गतेभित्र एसइईको परीक्षाफल आइसक्ने गुजरातको पटाका गोदाममा ठूलो विस्फोट हुदा १७ जनाको गयो ज्यान तीनकुने घटनामा संलग्न २४ जना पनि पक्राउ राजावादिको प्रदर्शनमा ज्यान गुमाएका सबिनको गरियो पोस्टमार्टम  भाटभटेनी लुट्न आउने प्रदर्शनकारीलाई प्रतिकार गर्ने सुरक्षागार्ड तथा अन्य कर्मचारीलाई सम्मान गरीदै जारी अधिवेशनको अन्तिम प्रतिनिधि सभा बैठक आज बस्दै, यस्तो छ कार्यसूची किच्चकबधमा उत्खनन गर्दा भेटियो ‘दरबारको जग’

स्थायी बासिन्दाहरुका लागी निःशुल्क रगत वितरण भक्तपुरमा

  • साझा परिवेश
  • बुधबार, जेष्ठ ३१, २०८० १३:३४
स्थायी बासिन्दाहरुका लागी निःशुल्क रगत वितरण भक्तपुरमा

भक्तपुर ।।

  • स्थायी बासिन्दाहरुका लागी निःशुल्क रगत वितरण
  • चारैवटा स्थानीय तहमा स्थानीय बिरामीका लागि 
  • नेपाल रेडक्रस सोसाइटी भक्तपुरका सभापति
  • मनोजकुमार थापाले भक्तपुर जिल्लामा नेपालमै पहिलोपटक सम्झौता भएको बताए
  • एक वर्षको अवधिमा रेडक्रसले ५१ हजार ५६ पिन्ट रगत उपलब्ध गराएको
  • सुविधा प्राप्त गर्न सम्बन्धित नगरपालिकाको स्थायी बासिन्दा हुनु जरुरी
  • बसाइँसराइ गरी आएको भए बसाइँसराइ प्रमाणपत्र पनि पेश गर्नुपर्ने
  • नागरिकता वा मतदाता परिचयपत्र देखाउनुपर्ने

भक्तपुर जिल्लाका स्थायी बासिन्दाहरुका लागी निःशुल्क रगत वितरण भइरहेको छ । चारैवटा स्थानीय तहमा स्थानीय बिरामीका लागि गत वर्ष सुरु गरिएको निःशुल्क रगत वितरण कार्यक्रम प्रभावकारी बन्दै गएको छ । नेपाल रेडक्रस सोसाइटी भक्तपुरका सभापति मनोजकुमार थापाले भक्तपुर जिल्लामा नेपालमै पहिलोपटक निःशुल्क रगत वितरणको सम्झौता भएको बताए ।

चारवटै नगरपालिका भक्तपुर, मध्यपुरथिमि, सूर्यविनायक र चाँगुनारायणसँग छुट्टाछुट्टै सम्झौता गरेर नगरवासीका लागि नेपाल रेडक्रस सोसाइटी भक्तपुर शाखाले निःशुल्क रगत प्रदान गर्दै आएको छ । ‘बिरामीले निःशुल्क रगत पाउन थालेपछि विपन्न नागरिकलाई निकै राहत पुगेको अनुभव छ,’ सभापति थापाले भने, ‘बिरामीलाई वितरण गरिएको रगतको शुल्क नगरपालिकाहरुले व्यहोर्ने गरेका छन् ।’ एक वर्षको अवधिमा रेडक्रसले ५१ हजार ५६ पिन्ट रगत उपलब्ध गराएको उनले जानकारी दिए ।

यसलाई शतप्रतिशत बनाउन अन्य नगरपालिका, गाउँपालिका र अस्पतालहरुसँग सहकार्य गर्दै जाने योजना रहेको समेत उनले बताए । साथै रगत लिन आउने कोही पनि बिरामीका आफन्त खाली हात जानु नपरोस् भन्ने उद्देश्यले भक्तपुरको दूधपाटीस्थित सिद्धपोखरी र काठमाडौंको जमलमा दैनिक रक्तदान कार्यक्रम हुँदै आएको छ ।

सेवा लिने प्रक्रिया 

निःशुल्क रगतको सुविधा प्राप्त गर्न सम्बन्धित नगरपालिकाको स्थायी बासिन्दा हुनु जरुरी छ । यसका लागि उक्त नगरपालिकाको स्थायी बासिन्दा पुष्टि गर्ने सरकारी कागजात जस्तै, नागरिकता वा मतदाता परिचयपत्र देखाउनुपर्ने हुन्छ । बसाइँसराइ गरी आएको भए बसाइँसराइ प्रमाणपत्र पनि पेश गर्नुपर्ने हुन्छ । त्यसैको आधारमा बिरामीलाई निःशुल्क रगत उपलब्ध गराइन्छ ।

यसरी वितरण 

भक्तपुर जिल्लाका चारैवटा नगरपालिकामा गरी हालसम्म दुई हजार १६७ पिन्ट निःशुल्क रगत वितरण भएको तथ्यांक छ । सबभन्दा बढी भक्तपुर नगरपालिकाका बिरामीबाट रगत माग हुने गरेको छ । भक्तपुर नगरपालिकामा ८१६ पिन्ट वितरण गरिएको छ । त्यस्तै मध्यपुरथिमिमा ६०५ पिन्ट, चाँगुनारायणमा ५३२ पिन्ट र सूर्यविनायक नगरपालिकामा २१४ पिन्ट निःशुल्क रगत सेवा लिएको तथ्यांकमा उल्लेख छ ।

योबाहेक भक्तपुर नगरपालिकाको भक्तपुर अस्पतालमा प्रसूति सेवा लिने बिरामीको लागि निःशुल्क रगतका सम्झौता भएको छ । जसमा एक हजार ४६८ पिन्ट रगत वितरण गरिएको छ ।

 

  • साझा परिवेश
  • बुधबार, जेष्ठ ३१, २०८० १३:३४

प्रतिक्रिया

तपाइको प्रतिक्रिया दिनुहोस्

नेपाल अपडेट