सहिद बिरेन र बिश्वनाथको नामबाट मेचीनगरका दुई सडक घोषणा

खगेन्द्र घिमिरे झापा
मेचीनगर नगरपालिकाका प्रमुख दुइ सडकहरु सहिद स्मृति मार्गको रुपमा घोषणा गरिएको छ । मेचीनगरको काँरभिट्टा बाहुनडागी हुँदै निन्दा सिरान सम्मको सडक र धुलाबारी ज्यामिरगढी हडिया सम्मको सडकलाई सहिदको नामबाट मार्ग घोषणा गरिएको हो ।
मेचीनगर नगरपालिका प्रमुख गोपालचन्द्र बुढाथोकीले सोे घोषणा गरेका छन् । बिहिवार नगरको बार्षिक नीति तथा कार्यक्रमको समापन शत्रमा बोल्दै नगर प्रमुख बुढाथोकीले बिशेष प्रस्ताव मार्फत ति घोषणा गरेका हुन् ।
जसमा धुलाबारी ज्यामिरगढी जोड्ने सडक सहित बिरेन राजबंशी को नामबाट बिरेन राजबंशी मार्ग घोषणा गरिएको छ । उता काकँरभिट्टा बाहुनगाडी सडक सहिद बिश्वनाथ घिमिरेको नामबाट सहिद बिश्वनाथ घिमिरे मार्ग घोषणा गरिएको हो ।
२०२९ सालमा जेल सार्ने निहुँमा झापाको सुखानी खोलामा फागुन २१ गते बिरेन राजवंशी गोलीहानी हत्या गरिएकाे थियाे ।

ऐतिहासिक झापा आन्दोलनका महान् शहिदहरू नेत्र घिमिरे, रामनाथ दाहाल, बिरेन राजबंशी, कृष्ण कुइकेल र नारायण श्रेस्ठ थिए । आज उनै बिरनेको नामबाट मार्ग घोषणा भएको छ ।
त्यस्तै काँकडभिट्टाबाट निन्दा सिरान सम्मको बाटोलाई सहिद बिश्वनाथ घिमिरे मार्ग घोषणा भएको छ । सहिद बन्नु भएका ६० बर्ष पछि सहिद बिश्वनाथ घिमिरे मार्ग घोषणा भएको छ । झापा जिल्लाको प्रथम सहिद बिश्वनाथ घिमिरे लोकतन्त्र र देशकोलागि सहिद बन्नु भएको थियो ।त्यसैगरी २०१९ जेठ ३१ गते बाहुनडाँगीबाट चन्द्रगढी जाँदै गर्दा प्रहरीले एक्लै पारी गोली हानेर नेपाली काँग्रेसका नेता, महामानव वीपी कोइरालाका प्रियपात्र एवम् तत्कालीन बाहुनडाँगीका जनप्रिय प्रधानपञ्च विश्वनाथ घिमिरेको हत्या गरेका थिए । उहाँको कर्मस्थल र सहादतस्थल दुबै क्षेत्रलाई समेटदै सहिद बिश्वनाथ घिमिरे स्मृति प्रतिष्ठानको सहिद बिश्वनाथको नामबाट उक्त बाटोको नाम घोषणा सँगै मेचीनगरका जनताले नगरपालिकाको कामलाई स्वागत गरेका छन ।

नेता राम कट्टेलले सामाजीक संजालमा जनताको भावना र अनुरोधलाई सहजरूपमा स्वीकार गरिदिएर मेचीनगरपालिकाले महान सहिदको उच्च सम्मान गरेको महसुस गरेका छौ । मेचीनगरपालिकाका नगर प्रमुख गोपाल बुढाथोकी ,उपप्रमुख मिना उप्रेति , बडा अध्यक्ष अर्जुन कार्की र बडा अध्यक्ष ललित तामाङ सहित सबै वडा अध्यक्षहरू, परिषद सदस्यहरू र समग्र मेचीनगर परिवार तथा दलहरूका नेतृत्वसहित साथीहरूलाई सहिद बिश्वनाथ घिमिरे स्मृति प्रतिष्ठानको तर्फबाट हार्दिक धन्यवाद तथा आभार ब्यक्त गर्दछौ भनेर लेखेका छन ।

• संसद विघटन