प्रधानमन्त्रीको कार्यक्रम पत्नी शोकले ३ दिन स्थगित
साझा परिवेश
बिहिबार, असार २८, २०८० १३:0३
प्रचण्डको औपचारिक कार्यक्रम तीन दिन स्थगित
३० असारसम्म कुनैपनि औपचारिक गतिविधिमा सहभागी नहुने
बिहान ८ देखि ११ र साँझ ४ देखि ६ बजेसम्म भेट हुने
समवेदना साट्न आउनेहरुको क्रम जारी
काठमाडौं ।
पत्नी शोकमा परेका प्रधानमन्त्री पुष्पकमल दाहाल प्रचण्डको औपचारिक कार्यक्रम तीन दिन स्थगित गरिएको छ । बुधबार पत्नी सीताको निधन भएपछि शोकमा परेका प्रधानमन्त्री प्रचण्डले ३० असारसम्म कुनैपनि औपचारिक गतिविधिमा सहभागी हुने छैनन् ।
‘तीन दिनलाई सबै औपचारिक कार्यक्रम स्थगित गरिएको छ’ प्रधानमन्त्रीका प्रेस सल्लाहकार गोविन्द आचार्यले भने । उनका अनुसार, समवेदना साट्न आउनेहरुसँग यो अवधिमा बिहान ८ देखि ११ र साँझ ४ देखि ६ बजेसम्म भेट हुनेछ । ‘आज पनि समवेदना साट्न आउनेहरुलाई धन्यवाद दिनुभयो, फेरि साँझ हुनेछ’, आचार्यले भने ।
