पार्टी रुपान्तरण गर्न सभापतिलाई गाली गर्नु भ्रम मात्र हो : राजीव ढुंगाना
साझा परिवेश
शुक्रबार, साउन ५, २०८० १२:५७
सभापतिलाई गाली गरेर पार्टी रुपान्तरण हुदैन
त्यो भ्रम बाहेक केही पनि होइन
काठमाडौ ।।
नेपाली कांग्रेसका केन्द्रीय सदस्य राजीव ढुंगानाले सभापतिलाई गाली गरेर पार्टी रुपान्तरण नहुने बताएका छन् । केन्द्रीय समितिको जारी बैठकमा बोल्ने क्रममा ढुंगानाले भने, ‘पार्टी सभापतिलाई जति बढी गाली गर्यो , त्यति बढी पार्टी रुपान्तरण हुने सोचका साथ एकथरी साथीहरु लाग्नुभएको छ । त्यो भ्रम बाहेक केही पनि होइन ।’
जनताले कांग्रेसमा रुपान्तरण कार्यक्रम र मुद्दामा खोजेको उनले बताए । पार्टी बैठकबाट जनताका लागि कांग्रेसले के निर्णय गर्यो , नागरिकले हेरिहेको नेविसंघका पूर्व अध्यक्ष समेत रहेका ढुंगानाले बताए ।
तिनै तहका सरकारले प्रभावकारी काम गरे २०८४ को चुनाव देखेर अहिले डराउनुपर्ने अवस्था नरहेको उनले बताए । ‘कार्यकर्तामा आएको संशय यो केन्द्रीय समिति बैठकले चिर्नु पर्दैन र ? नयाँ पार्टी नयाँ नाराका साथ उदाएका हुन् त ? हाम्रो प्रवृत्ति पनि जिम्मेवार छ । गम्भिर रुपमा खोतल्नुपर्ने बेला आएको छ,’ ढुंगानाले भने ।
