केन्द्रीय सदस्य रामजनम चौधरी बोलिरहँदा, सभापति देउवाले हँसाए
साझा परिवेश
आइतवार, अशोज ७, २०८० ११:२१
सभापति शेरबहादुर देउवाले ‘तपाईँ अहिलेसम्म युवकै हुनुहुन्छ ? भनी रामजनम चौधरीलाई प्रश्न गरे
बोल्ने क्रममा चौधरीले युवाहरु विदेश पलाएन भइरहेको कुरा राख्दा यस्तो भने
काठमाडौं ।।
नेपाली कांग्रेसका सभापति शेरबहादुर देउवाले केन्द्रीय सदस्य रामजनम चौधरी बोलिरहँदा ‘तपाईँ अहिलेसम्म युवकै हुनुहुन्छ ?’ भनि प्रश्न गरेका छन् । केन्द्रीय समितिको जारी बैठकमा बोल्ने क्रममा चौधरीले युवाहरु विदेश पलाएन भइरहेको बताएका थिए ।
‘अर्थतन्त्र ध्वस्त भइसकेको छ । युवा आकर्षण गर्ने पार्टीले कार्यक्रम सञ्चालन गनुपर्यो,’ चौधरीले भने, ‘अर्थतन्त्रलाई सुधारन्मुख गर्नका लागि पार्टीले स्पेसिफिक कार्यक्रम ल्याउन अर्थमन्त्रीलाई अनुरोध गर्नुपर्ने बेला आइसकेको छ ।’
चौधरीले बोलिरहँदा देउवाले बीचमै रोकेर भने, ‘तपाईँ अहिलेसम्म युवकैै हुनुहुन्छ ?’ हामी जस्ता यूवा भन्नुभयो, तपाईँ अहिलेसम्म युवकै हुनहुन्छ भन्या नि?’ देउवाले चौधरीलाई प्रश्न सोधेपछि केन्द्रीय सदस्यहरु हाँसे । त्यसपछि देउवाले ‘भयो भयो’ ठीक छ भन्दै थप बोल्न निर्देशन दिए ।
