कति ठाउँ ढुंगा गिट्टी उत्खनन् नगरिए मरुभूमि बन्छ त्यसैले हस्तक्षेप रोकौं : मन्त्री रिजाल
साझा परिवेश
शुक्रबार, अशोज १२, २०८० १५:१४
ढुंगा गिट्टी उत्खनन्का लागि कानुनी व्यवस्था हुँदै
बगेर जाने गिट्टी बालुवा उत्खनन् गर्दा यसलाई गलत तरिकाले हेर्न मिल्दैन
हामीले कानुन बनाउन नसक्दा समस्या उत्पन्न भयो
कानुन निर्माणको चरणमा छ
काठमाडौं ।।
उद्योग, वाणिज्य तथा आपूर्तिमन्त्री रमेश रिजालले ढुंगा गिट्टी उत्खनन्का लागि कानुनी व्यवस्था भइरहेको बताएका छन् । शुक्रबार उद्योग तथा वाणिज्य र श्रम तथा उपभोक्ता हित समिति बैठकमा बोल्दै बगेर जाने गिट्टी बालुवा उत्खनन् गर्दा यसलाई गलत तरिकाले हेर्न नहुने बताए ।
“हामीले कानुन बनाउन नसक्दा समस्या उत्पन्न भएको हो । कानुन निर्माणको चरणमा छ”, उनले भने, “बगेर जाने गिट्टी बालुवा उत्खनन् गर्नुपर्छ । तर नियम र मापदण्ड अनुसार हुनुपर्छ । तराईमा ढुंगा गिट्टी उत्खनन् नगरिए तराई मरुभूमि हुन्छ ।” हरेक ठाउँमा हुने हस्तक्षेपले काम हुन नसकेको उनको गुनासो छ ।
