बदमासी गरेको प्रमाणित भए तत्काल पदबाट राजीनामा दिन्छु : उद्योगमन्त्री रिजाल

• उपभोक्तामाथि ठगी गर्ने खालको कुनै पनि काम आफूबाट हुन नसक्ने बताए
• बदमासी गरेको प्रमाणित भए तत्काल पदबाट राजीनामा दिने
• उपभोक्तामा हित हुनेगरी आवश्यक व्यवस्था मिलाउन नसकेको गुनासो
• पभोग्य वस्तुको मूल्यवृद्धि नियन्त्रण गर्न नसकेको स्वीकार

काठमाडौं ।।

उद्योग, वाणिज्य तथा आपूर्तिमन्त्री रमेश रिजालले उपभोक्तामाथि ठगी गर्ने खालको कुनै पनि काम आफूबाट हुन नसक्ने बताएका छन् ।आफूले उपभोक्ताको नाममा बदमासी गरेको प्रमाणित भए तत्काल पदबाट राजीनामा दिने उनको भनाइ छ । सार्वजनिक लेखा समितिको बैठकमा सांसदहरुले नै चाडपर्वलाई ध्यानमा राखेर सरकारले आम उपभोक्तामा हित हुनेगरी आवश्यक व्यवस्था मिलाउन नसकेको गुनासो गरेका थिए ।

उद्योग मन्त्री रिजालले चाडपर्वका बेलामा पनि दैनिक उपभोग्य वस्तुको मूल्यवृद्धि नियन्त्रण गर्न नसकेको स्वीकार गरे । कालो बजारी गर्नेहरुलाई सोही अनुसारको दण्डसजायको व्यवस्था गर्न कानूनकै अभाव रहेको भन्दै उनले आगामी दिनमा त्यसमा सुधार गर्दै लैजाने बताए ।तर व्यक्तिगत रुपमा आफूले कुनै गल्ती नगरेको भन्दै मन्त्री रिजालले भने, ‘मैले कुनै दिन गल्ती गरे भने तुरुन्तै राजीनामा दिएर बाहिर जान्छु भन्ने विश्वास दिलाउन चाहन्छु । मलाई न त्यो जरुरत छ, न म बाट कमिशन खाने काम हुन्छ ।’

• संसद विघटन