शनिबारको भूकम्पले लगभग २४०० को ज्यान गयो फेरी बुधबार पनि…..
साझा परिवेश
बुधबार, अशोज २४, २०८० १२:२३
अफगानिस्तानमा बुधबार बिहान पुनः ६.३ को भूकम्प गयो
यसअघि गत शनिबार गएको भूकम्पमा परी २४०० भन्दा बढी मानिसको ज्यान गयो
भूकम्पले नजिकका जिल्लामा पनि ठूलो क्षति पुर्यायो
अहिले त्यहाँ ब्ल्यांकेट, खाद्यान्न र अन्य आपूर्तिको अभाव
काठमाडौं ।।
अफगानिस्तानमा बुधबार बिहान पुनः ६.३ को भूकम्प गएको छ । यसअघि गत शनिबार गएको भूकम्पमा परी २४०० भन्दा बढी मानिसको ज्यान गएको थियो । अघिल्लो भूकम्पकै संकटसँग जुधिरहेका बेला अफगानिस्तानमा बुधबार फेरि भूकम्प गएको हो । भूकम्पमा परी १०० भन्दा बढी मानिस घाइते भएको र उनीहरूलाई अस्पताल लगिएको बताइएको छ । हेरात राज्यको राजधानी हेरात नजिक आएको भूकम्पले नजिकका जिल्लामा ठूलो क्षति पुर्याएको बताइएको छ । भूकम्पपछि आएको पहिरोले हेरात-टोरघुन्डी राजमार्ग अवरुद्ध गरेको छ । सहायता एजेन्सीहरूले अहिले त्यहाँ ब्ल्यांकेट, खाद्यान्न र अन्य आपूर्तिको अभाव भएको बताएका छन् ।
