दसैं, तिहार र छठको अवसरमा अफरै अफरको योजना सार्वज्निक
भाटभटेनी सुपरस्टोरका मुलुकभर २६ वटा स्टोर सञ्चालन
दसैं, तिहार र छठ पर्वको योजनामा जम्माजम्मी ३० करोड रुपैयाँ बराबरको अफर
काठमाडौं ।।
मुलुकको सबैभन्दा ठूलो स्टोर भाटभटेनी सुपरमार्केटले दसैं, तिहार र छठको अवसरमा अफरै अफरको योजना सार्वज्निक गरेको छ ।भाटभटेनी सुपरस्टोरका मुलुकभर २६ वटा स्टोर सञ्चालनमा रहेका छन् । यी सबै स्टोरमा सबै अफर लागु भएको भाटभटेनी सुपरमार्केटका चिफ अपरेटिङ अफिसर्स पानु पौडेलले जानकारी दिए । यस वर्षको दसैं, तिहार र छठ पर्वको योजनामा जम्माजम्मी ३० करोड रुपैयाँ बराबरको अफर रहेको पौडेलले जानकारी दिए । भाटभटेनीको ग्राहक केन्द्रित योजना आजैदेखि लागु भएको छ । २६ मध्ये जुनसुकै स्टोरमा पनि २५ सय रुपैयाँको सामान खरिद गर्नेमध्ये एकले गोलाप्रथामार्फत् कार उपहार पाउनेछन् ।
सेन्चुरीका उत्पादनको खरिद गर्नेले प्राप्त गर्नेछन् सुजुकी अल्टो कार । पाँच सय सम्मको खरिद गर्नेमध्ये एकले कार प्राप्त गर्ने भाटभटेनीका सीओओ पौडेलले जानकारी दिए । युनिलिभरका उत्पादन खरिद गर्नेले स्कुटर, वासिङ मेसिन, आईफोन र एलईडी टीभी प्राप्त गर्नेछन् ।सीतारामका उत्पादन (दूधबाहेक) खरिद गर्नेले वासिङ मेसिन, रेफ्रिजेरेटर, टीभी र इन्डक्सन उपहार पाउनेछन् । त्यसैगरी भाटभटेनीका सबै स्टोरमार्फत् गार्मेन्टस्, जुत्ता, सारी र कुर्ता खरिदमा १० प्रतिशत छुट प्राप्त गर्नेछन् । गार्मेन्टस्, जुत्ता, सारी र कुर्ता खरिद गर्दा डेबिट वा क्रेडिट कार्ड वा क्यूआरमार्फत भुक्तानी गर्दा १५ प्रतिशत छुट पाइनेछ । एनआईसी एसिया बैंक, हिमालयन बैंक, प्रभु बैंक र एनआईएमबी बैंकका कार्ड वा क्यूआर हुनुपर्नेछ ।
