पूर्वब्रिटिस गोर्खाहरुले बेलायती प्रधानमन्त्रीलाई दिए अल्टिमेटम
साझा परिवेश
शुक्रबार, कार्तिक १०, २०८० १७:३३
काठमाडौं । भूतपूर्व ब्रिटिस गोर्खा सैनिकहरुले समान पेन्सनका लागि दबाब दिँदै पुनः बेलायती प्रधानमन्त्री ऋषि सुनकलाई अल्टिमेटम दिएका छन् ।
बेलायत र नेपाल सरकारबीच मन्त्रिस्तरीय वार्ता हुने तयारी भइरहेका बेला भूतपूर्व ब्रिटिस गोर्खा सैनिकले बेलायती प्रधानमन्त्री सुनकलाई अल्टिमेटम दिएका हुन् ।
बेलायत सरकार समान पेन्सनको माग कार्यान्वयनमा दृढ नदेखिएको पूर्व गोर्खाहरुको गुनासो छ । सत्याग्रह संयुक्त संघर्ष समिति यूके नेपालका तर्फबाट प्रमुख संयोजक कृष्णबहादुर राईले हिजो (बिहीबार) लन्डनस्थित बेलायती प्रधानमन्त्री कार्यालयमा अल्टिमेटम बुझाएका हुन् ।
बेलायत र नेपाल सरकारबीच आगामी नोभेम्बर २२ मा लन्डनमा वार्ता हुने तय भएको छ । उक्त वार्तामा समान पेन्सन मुद्दा नउठाइए फेरि आमरण अनशन बस्न बाध्य हुने चेतावनी पूर्वब्रिटिस गोर्खाहरुको छ । चरणबद्ध छलफलपछि दुई सरकारबीच तेस्रो मन्त्रिस्तरीय वार्ता हुन लागेको हो ।
