कोशी प्रदेश सरकारले भुकम्पपीडितलाई १ करोड र एक ट्रक सामाग्री दिने
साझा परिवेश
शनिबार, कार्तिक १८, २०८० १६:१२
विराटनगर ।। जाजरकोटलाई केन्द्रबिन्दु बनाएर गए राति गएको भूकम्पका पीडितहरूका लागि कोशी प्रदेश सरकारले एक करोड उपलब्ध गराउने भएको छ ।
आज बसेको मन्त्रीपरिषद्को बैठकले कर्णाली प्रदेश सरकारको विपद् व्यवस्थापन कोषमा १ करोड जम्मा गर्ने निर्णय गरेको कोशी प्रदेश सरकारका प्रवक्ता शमशेर राईले बताए । मन्त्री राईका अनुसार एक ट्रक जिन्सी उपलब्ध गराउने निर्णय गरेको छ । कमल, त्रिपाल म्याट लगायतका जिन्सी सामाग्री उपलब्ध गराइने प्रवक्ता राईले बताए ।
हिजो राति जाजरकोट र रुकुम पश्चिममा गएको भूकम्पबाट पीडितहरूको उद्धार, राहत र पुनः निर्माणका लागि सहयोग गर्ने निर्णय गरेको हो ।
जाजरकोटको रामीडाँडालाई केन्द्रबिन्दु बनाएर गएको ६।४ म्याग्निच्यूडको भूकम्प गएको थियो । अहिले सम्म १३८ जनाको निधन भइसकेको छ भने १५० भन्दा बढी घाइते छन् ।
