चलचित्र ‘कङ्गारु’ निर्माण गर्दै दीपक मनाङे, निर्देशकमा सम्राट
साझा परिवेश
मङ्लबार, मंसिर ५, २०८० १३:३९
फिल्ममा सीमा गुरुङको कथा, महेश दवाडीको पटकथा रहनेछ
कलाकार र प्राविधिक पक्ष केही समयपछि सार्वजनिक गर्ने
फिल्मको छायाङ्कन फागुनदेखि सुरु
काठमाडौँ । फिल्म ‘कङ्गारु’ निर्माण हुन भएको छ । सम्राट बस्नेतको निर्देशन रहने फिल्म प्रदेश सांसद राजीव गुरुङ ‘दीपक मनाङे’ ले निर्माण गर्न लागेका हुन् । फिल्म सस्पेन्स, थ्रिलर र कमेडी जनरामा निर्माण हुने निर्देशक बस्नेतले बताए ।
फूलमुन मोसन पिक्चर्स र उत्तरगया म्युजिक एन्ड फिल्मसको आस्याप इन्टरटेन्मेन्टको सहकार्यमा यो फिल्म निर्माण हुन लागेको हो । फिल्ममा प्रेम थापा र धन बहादुर गुरुङको लगानी रहनेछ ।
फिल्ममा सीमा गुरुङको कथा, महेश दवाडीको पटकथा रहनेछ । फिल्मको कलाकार छनौटको क्रममा छन् । फिल्मको कलाकार र प्राविधिक पक्ष केही समयपछि सार्वजनिक गर्ने निर्देशक बस्नेतले बताए । फिल्मको छायाङ्कन फागुनदेखि सुरु हुनेछ ।
