झापामा पुर्वराजा ज्ञानेन्द्र शाहद्धारा उदघाटन गरिएको श्री ५ लेखेको सिलालेख हटाउन लगाइयो

पुर्वराजा ज्ञानेन्द्र शाहद्धारा उदघाटन गरिएको पृथ्वीनारायण शाहको सालिकमा श्री ५’ लेखेर अनावरण गर्न लगाएको बिर्तामोड १ स्थित इकम कलेजमाथि कार्वाही प्रक्रिया अगाडि वढाइएको छ ।

सो कलेजको दर्ता खारेजीको लागि प्रक्रिया अगाडि बढाइने भएको हो । कलेजले बहालवाला राजा सरह पूर्वराजा ज्ञानेन्द्र शाहबाट सालिक अनावरण गर्न लगाउँदै देशमा राजतन्त्र भएजसरी ‘श्री ५ महाराजाधिराज ज्ञानेन्द्र वीर विक्रम शाहको करकलमबाट बिर्तामोड नगरपालिका वडा नं १ झापामा रहेको इकम कलेजको प्रांगणमा स्थापित राष्ट्रनिर्माता श्री ५ पृथ्वीनारायण शाहको सालिक अनावरण एवं कलेजको विधिवत समुद्घाटन कार्य सुसम्पन्न भयो । इति सम्वत् २०८० साल ०८ महिना ०९ गते रोज शुभम् ’लेखिएको शिलालेख राखेको थियो ।

इकम कलेजले संबिधानको ठाडो उल्लंघन गरेकाले दर्ता खारेजीको प्रक्रिया अगाडि बढाइने बिर्तामोड १ का वडाध्यक्ष अग्नीप्रसाद पाण्डेले बतानुभयो । पाण्डेले इकम कलेजसंग पत्र पठाएर स्पष्टीकरण सोधिने र दर्ता खारेजीका लागि बिर्तामोड नगरपालिकाको शिक्षा शाखालाई अनुरोध गरिने बताउँनुभयो । चौतर्फी विरोधपछि इकम कलेजको प्रांगणबाट ‘श्री ५’ लेखिएको शिलालेख हटाइएको थियो । कलेजका संचालकहरुले आफूहरुबाट त्रुटि भएको स्वीकार गरिसकेका छन् । सालिक अनावरण गर्नेक्रममा राखिएको शिलालेखको भाषामा त्रुटि भएको महसुस भएपछि त्यसलाई हिजैै हटाइएको कलेजका संस्थापक अध्यक्ष एवम् सीइओ आलोक कार्की बताउँनुभयो । उनले दुई–तीन दिनपछि निर्माण हुने अर्को शिलालेखमा ‘श्री ५’ को सट्टा पूर्व राजा भनेर लेखिने जानकारी दिनुभयो ।

यसअघि शिलालेखमा ‘श्री ५’ लेखेपछि प्रमुख जिल्ला अधिकारी शिवराम पोखरेलले पनि स्पष्टीकरण सोध्नुभएको थियो । त्यसपछि कलेज प्रशासनले शिलालेख हटाएको थियो । पूर्वराजा शाहले सालिक अनावरणसँगै सोही दिन विधिवत उद्घाटन पुर्वराजा ज्ञानेन्द्रबाट गरिएको थियो । इकम कलेज विगत ८ बर्षदेखि संचालित छ । इकम कलेजले होटल म्यानेजमेन्ट, बिज्ञान र व्यवस्थापन संकायको कक्षा संचालन गर्दै आएको छ । पृथ्वीनारायण शाहको सालिक अनावरण कार्यक्रमलाई राजावादीहरुले झापामा शक्ति प्रदर्शनकै रुपमा लिएका थिए ।

• संसद विघटन