स्वर्णिम वाग्ले उपसभापति र सुमना सहमहामन्त्रीमा चयन
साझा परिवेश
बिहिबार, मंसिर १४, २०८० ११:३४
रास्वपाले सांसद स्वर्णिम वाग्लेलाई उपसभापति बनायो
सह-कोषाध्यक्ष वसुमाया तामाङ र दीपक बोहरालाई तोकियो
प्रक्रिया र नयाँ संगठनात्मक ढाँचा अनुसार पार्टी सन्चालन गर्ने निर्णय
काठमाडौं।।
रास्वपाले सांसद स्वर्णिम वाग्लेलाई उपसभापति बनाएको छ । यस्तै सहमहामन्त्रीमा कविन्द्र बुर्लाकोटी, सुमना श्रेष्ठ र विपिन आचार्य चयन भएका छन् । महोत्तरीमा जारी बैठकले संसदीय दलको उपनेतामा विराजभक्त श्रेष्ठलाई निरन्तरता दिएको छ ।
पार्टी कोषाध्यक्ष लिमा अधिकारी सह-कोषाध्यक्ष वसुमाया तामाङ र दीपक बोहरालाई तोकेको छ । पार्टीका थप केन्द्रीय सदस्यमा अनिल केशरी शाह, राजन गाैतम, नन्दन यादव, पुकार बम र कामिनी चाैधरी छन् । पार्टीको महाधिवेशन प्रक्रिया र नयाँ संगठनात्मक ढाँचा अनुसार पार्टी सन्चालन गर्ने निर्णय गरिएको महामन्त्री ढकालले बताए ।
