आँचलको ‘हिटम्यान’ सार्वजनिक

• इन्डो नेपाली सिनेमा ‘हिटम्यान’को मोसन पोस्टर र टिजर रिलिज
• सार्वजनिक टिजरमा मुख्य कलाकार विष्णु अधिकारी देखिए
• अफिसियल प्रदर्शन मिति केही समयमा सार्वजनिक गरिने

काठमाडाैं ।।

इन्डो नेपाली सिनेमा ‘हिटम्यान’को मोसन पोस्टर र टिजर रिलिज गरिएको छ । चलचित्र नेपालीसँगै हिन्दी, तिलुगु, तमिल, कन्नडा, मल्यालम, अरबी र  चाईनिज गरी दश भाषामा रिलिज गरिने निर्माण पक्षले जनाएको छ । आइतबार सार्वजनिक टिजरमा मुख्य कलाकार विष्णु अधिकारी देखिएका छन् ।

टिजरमा आँचलको भने कुनै पनि दृश्य समावेश छैन । चलचित्रमा प्रशान्त ताम्राकार र मिलन सिजापतिको पनि मुख्य भूमिका छ । आगामी फागुनमा रिलिज गरिने चलचित्रको अफिसियल प्रदर्शन मिति केही समयमा सार्वजनिक गरिने निर्माता तथा निर्देशक बिष्णु अधिकारीले बताए । काठमाडौं र पोखरा तथा  भारत, फ्रान्समा सिनेमा छायांकन गरिएको छ।