काठमाडौं । सेयर बजार बिहीबार दोहोरो अंकले वृद्धि भएको छ । बिहीबार ११.७३ अंकले वृद्धि भएको सेयर बजार १८५२.७७ विन्दुमा आएर बन्द भएको छ ।
परिसूचक बढेको दिन आज कारोबार रकम २ अर्ब ७९ करोड ९१ लाख रुपैयाँको कारोबार भएको छ । यसक्रममा ९५ लाख कित्ताभन्दा धेरै सेयर कारोबार भएको छ । परिसूचक दोहोरो अंकले बढेको दिन १७५ कम्पनीको सेयर मूल्य बढेको छ भने ५७ कम्पनीको सेयर मूल्य घटेको छ । यस्तै, ८ कम्पनीको सेयर मूल्य भने स्थिर कायम छ ।
आज ५ कम्पनीको सेयर मूल्यमा ९ प्रतिशतभन्दा धेरैको वृद्धि आएको छ । यसमध्ये त्रिसुली जलविद्युत कम्प्नीको सेयर मूल्यमा सकरात्मक सर्किट लागेको छ । यसबाहेक, समाज लघुवित्त वित्तीय संस्था, सीवाईसीएल नेपाल लघुवित्त र नबिल ब्यालेन्स फण्ड–२ को सेयर मूल्य ९ प्रतिशतभन्दा धेरैले बढेको छ ।
आज ग्लोबल आईएमई लघुवित्त वित्तीय संस्थाको सेयर मूल्य भने ७.८१ प्रतिशतले घटेको छ । यो आज घटेको सबै कम्पनीको सेयर मूल्यको तुलनामा उच्च हो । परिसूचकमा उत्साजहनक वृद्धि आएको दिन व्यापार समूहको सूचक भने १३ अंकले घटेको छ । यसबाहेक सबै समूहको सूचकमा उत्साहजनक वृद्धि आएको छ ।
