एमालेले एकल बहुमत नल्याए देश विकास हुनै सक्दैन : ओली

• सरकारले साम्प्रदायिक पक्षलाई भित्रभित्रै बढवा दिएको आरोप
• एमालेले मात्र सामाजिक न्याय र समानता कायम गर्ने जिकिर
• आन्दोलनप्रति लक्षित गर्दै भावनामा बगेर देश नबन्ने

काठमाडौं ।।

प्रमुख प्रतिपक्ष दल नेकपा (एमाले) का अध्यक्ष केपी शर्मा ओलीले गठबन्धनको सरकारले साम्प्रदायिक पक्षलाई भित्रभित्रै बढवा दिएको आरोप लगाएका छन् । पार्टीको संकल्पयात्राअन्तर्गत मंगलबार ओखलढुुंगाको हर्कपुरमा आयोजित सभामा उनले एमालेले मात्र सामाजिक न्याय र समानता कायम गर्ने जिकिर गरे ।

“अहिलेको गठबन्धन सरकार साम्प्रदायिकताको जगमा उठेको । त्यसकारण अहिले पनि साम्प्रदायिकताको पक्षलाई भित्रभित्र बढवा दिएर चलिरहेको अवस्था छ,” उनले भने, “एमालेले मात्रै सामाजिक न्याय र समानता कायम गर्ने र त्यस आधारमा सामाजिक सद्भाव र सामाजिक सद्भावका आधारमा राष्ट्रिय एकता कायम गर्ने ।”

ओलीले पहिचानवादी पक्षधरको आन्दोलनप्रति लक्षित गर्दै भावनामा बगेर देश नबन्ने बताए । जनताका बीचमा फाटो ल्याउन नहुने उनको भनाइ छ । “भावनामा बग्न हुँदैन । हाम्रा दाजुभाइ, दिदीबहिनीहरू अनावश्यक भावनामा बगेका छन् भने त्यस्ता भावनाले देश बन्दैन । देश बनाउनका लागि बलियो राष्ट्रिय एकता, समझदारी चाहिन्छ,” उनले भने, “जनताका बीचमा फाटो ल्याउने होइन । जनताका बीचमा राष्ट्रिय एकता बनाउने हो ।”

• संसद विघटन